Улаанбаатар хотын албан ёсны хөтөч ном хэвлэгдэх гэж байна


  |     2017-06-20 00:26   |     1176
  2017-06-20 00:26   |     1176

Олон орны жуулчид манай хотод оршин суугчдын нэгэн адил түвэггүй зорчиж чадахаар боллоо. Учир нь, энэ долдугаар сард Нийслэлийн Аялал Жуулчлалын газар /НАЖГ/-аас Нийслэл Масс Медиа ХХК-тай хамтран Улаанбаатар хотын албан ёсны хөтөч номыг англи хэлээр, олон улсын их хотуудын гарын авлагын жишгээр мэргэжлийн түвшинд гаргах гэж байна. Улаанбаатар хөтөч ном гадаадад ЭСЯ-даар, мөн олон улсын аялал жуулчлалын үзэсгэлэнгүүдээр үнэгүй тараагдаж, өнгө төрх, мэдээ мэдээллээрээ Монголыг зорих, орчин үеийн Улаанбаатартай танилцах сэдлийг жуулчдад төрүүлнэ.

Тус хөтөч ном нь А5 хэмжээтэй, 100 нүүртэй байх юм. НАЖГ нь нийслэлд аялал жуулчлалыг хөгжүүлэх бодлого зохицуулалтыг хэрэгжүүлэх, аялал жуулчлалын чиглэлээр үйл ажиллагаа явуулж буй байгууллага, аж ахуйн нэгж, иргэдийг мэргэжлийн удирдлага, дэмжлэгээр хангах, нийслэлээ гадаад дотоодод сурталчлах чиг үүрэг бүхий Нийслэлийн Засаг даргын хэрэгжүүлэгч агентлаг юм. Нийслэл Масс Медиа ХХК нь зургаан жил үйл ажиллагаагаа амжилттай явуулж буй Улаанбаатар хотын анхны үнэгүй тараагддаг хөтөч сэтгүүл Нийслэл guide-ийн хамт олон юм. 

Нийслэл guide сэтгүүл сар бүр 10 мянган хувь хэвлэгдэж, хот даяар 120 гаруй түгээлтийн цэгт хүрдэг цор ганц сэтгүүл гэдгийг уншигчид андахгүй. Тус сэтгүүлд нийслэлд болж буй шинэлэг үйл явдал, соёлын хөтөлбөр, онцлох үйлчилгээний газруудын танилцуулга, хотын түүхэн үгүүлэл зэрэг сонирхолтой контент багтдаг. Зургаан жилийн турш тасралтгүй хэвлэгдсэн Нийслэл guide-ийн архивт тулгуурлан Улаанбаатар хотын албан ёсны хөтөч ном шинэлэг шийдлээр жуулчдад хүрэх боломж бүрдсэн байна. 


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

1 сэтгэгдэлтэй

  • Agiit   [202.9.41.28]
      2017-08-11 22:15
    goe yum aa odoo oldoh bolbuu? negiig abaad hadglah yum saan :D

О.Баярсайханы байгалийн төрхийг цогцлоосон үзэсгэлэн дэлгэгдлээ

Монголын Орчин Үеийн Урлагийн галерейд шинэ үзэсгэлэн дэлгэгдлээ.

  2017-12-11 08:43

К-ПОП: 12 дугаар сарын шилдэг охидын хамтлагууд

Энэ чансааг тухайн хамтлагийн брэндийн үнэ цэнийг харьцуулан гаргадаг байна.

  2017-12-11 07:58

К-ПОП: 12 дугаар сарын шилдэг хөвгүүдийн хамтлагууд

Энэ сарын шилдэг хөвгүүдийн хамтлагаар "Wanna One” тодорлоо.

  2017-12-11 07:41