Наадмаар 9 хоног амрах магадлалтай
Долоодугаар сарын 11, 12, 13, 14, 15-нд бүх нийтээр амрах хуулийн заалтыг 2014 онд баталсан юм.
Энэ жилийн үндэсний их баяр наадмаар 9 хоног амрах магадлалтай. Учир нь үндэсний их баяр наадам, Ардын хувьсгалын ойн баяраар 5 өдөр буюу долоодугаар сарын 11, 12, 13, 14, 15-нд бүх нийтээр амрах хуулийн заалтыг 2014 онд баталсан юм.
Ирэх сарын 11-ний өдөр мягмар гарагт тохиож байгаа бөгөөд хэрэв Засгийн газрын хуралдаанаар долоодугаар сарын 10-ны ажлын өдрийг дараа долоо хоногийн амралтын өдөрт шилжүүлэхээр болбол иргэд долоодугаар сарын 8-17-ныг хүртэл 9 хоног амрах боломж бүрдэнэ.
Өмнөх жилүүдэд Засгийн газрын хуралдаанаар Нийтээр тэмдэглэх баярын өдрийн холбогдох хуулийн заалтыг үндэслэн иргэдийн ажил, амралтыг зохицуулах зорилгоор ажлын өдрийг шилжүүлэх тохиолодол гарч байв. Ингэснээр ажлын өдрийн тоо, албан хаагчдын цалингийн нийлбэрт өөрчлөлт орохгүйн зэрэгцээ хөдөө гадаа явж, хамаатан садангаа зорих боломж бүрддэг билээ.