Бейонсе хугацаанаасаа өмнө амаржиж, ХҮҮ, ОХИН хоёртой болжээ
Грэммийн шагналт дуучин Бейонсе бие давхар болсон гэдгээ өнгөрсөн хоёрдугаар сард өөрийн инстаграм хуудсаар зарласан бөгөөд хэвлийд нь ихэр хүүхдүүд бойжиж буй гэсэн юм.
Тэгвэл өнгөрсөн амралтын өдрүүдээр тэрбээр 1 сая ам.доллараар тусгайлан бариулсан төрөх тасагт амаржсан тухай хэвлэлүүд мэдээлэв. Бейонсе болон түүний хэвлэлийн төлөөлөгч ямар нэгэн албан ёсны мэдээлэл өгөөгүй ч түүний аав өөрийн твиттерээрээ зарласан юм. Ихрүүдийн хүйсийг албан ёсоор зарлаагүй ч хүү, охин хоёр мэндэлсэн гэх таамаг мэдээ гарчээ.
TMZ цахим хуудаст бичсэнээр Бейонсе хугацаанаасаа эрт төрсөн учраас ихрүүд одоо ч эмнэлэгт байгаа аж.
Сонирхуулахад, Бейонсе, Жэй Зи хоёр Блү Айви нэртэй, 5 настай охинтой бөгөөд тэдний гэр бүл ийнхүү таван гишүүнтэй болжээ.