мин

Даниэль Дэй Льюс кино урлагаас ЗОДОГ ТАЙЛЖ буйгаа зарлалаа

Ub.life 2017.06.21 39 9 3

Оскарын шагналт жүжигчин Даниэль Дэй Льюс “зодог тайлж”, ахиж кинонд тоглохгүй гэсэн шийдвэр гаргасан тухай түүний хэвлэлийн төлөөлөгч Лэсли Дарт “Variety” сэтгүүлж ярьсан байна. Өдгөө 60 настай Даниэль Дэй Люьс “Оскар” түүхэнд шилдэг эрэгтэй жүжигчний шагналыг гурван удаа гардсан цорын ганц хүн бөгөөд энэ оны сүүлчээр нээлтээ хийх “Phantom Thread” түүний хувьд сүүлийн кино нь байх аж.

“Тэр энэ хугацаанд өөртэй нь хамтран ажилласан бүх хүмүүс болоод дэмждэг фэнүүдээ талархаж буйгаа илэрхийлж байна. Энэ бол түүний хувийн шийдвэр бөгөөд ямар нэг хүн болоод үйл явдал нөлөөлөөгүй. Мөн тэр шалтгааныг дэлгэрэнгүй тайлбарлахыг хүсэхгүй байгаа” хэмээн Лэсли Дарт ярьжээ.

Даниэль Дэй Льюс 1989 онд “My left foot”, 2007 онд “There will be blood”, 2012 онд “Lincoln” кинонд бүтээсэн дүрээрээ “Оскар”-ын шилдэг эрэгтэй жүжигчний шагналыг гардаж байсан бөгөөд “In the name of the Father”, “Gangs of New York” нэр дэвшиж байсан юм.

Тэр 40 жилийн турш кино урлагт зүтгэхдээ үзэгчдийн болоод шүүмжлэгчдийн магтаалыг хүртсэн маш олон дүр бүтээсэн. Даниэль Дэй Льюс залуудаа жижиг театруудад голцуу Шекспирийн жүжгүүдэд тоглож байгаад 1982 онд “Gandhi” кинонд дүр бүтээснээрээ олны хараанд өртсөн байдаг. 

Ub.life 2017.06.21