1 мин

Канадын мэргэн бууч дэлхийн рекордыг шинэчлэлээ

Канадын мэргэн бууч 3450 метрийн зайнаас байгаа устгаж зэвсэгт хүчний түүхэнд байгаагүй амжилт үзүүлжээ.

Ub.life 2017.06.22 16 8 8

81

Канадын тусгай албаны мэргэн бууч 3450 метрийн зайнаас байгаа устгаж зэвсэгт хүчний түүхэнд байгаагүй амжилт үзүүлжээ. Энэ рекорд нь өмнөх амжилтаас даруй 1000 орчим метрээр илүү аж. Эх сурвалжийн мэдээлж буйгаар уг явдал өнгөрсөн сард Иракт болсон мөргөлдөөний үеэр болжээ. Мэргэн бууч TAC-50 загварын буугаар сум тавьсан ба сум байг ердөө 10 секундэд оносон байна. Зэвсэгт хүчний эх сурвалжууд "Энэ бол дэлхийн түүхэнд байгаагүй, магад өөр хэн ч эвдэж чадахааргүй том амжилт" хэмээжээ.

Үүнээс өмнө Их Британийн  мэргэн бууч Крэйг Харрисон 2475 метрийн холоос байгаа устгаж чадснаар дэлхийн дээд амжилтыг эзэмшиж байсан аж. Хоёр, гуравдугаар байрт 2430 метр, 2130 метрийн амжилтуудаар мөн Канадын мэргэн буучид ордог байна.  Ийнхүү зэвсэгт хүчний энэ төрлөөр Канад улс хамгийн шилдэг болохоо ахин баталжээ. . 

А.Отгонжаргал

Ub.life 2017.06.22

81