Католик сүм хүүхэдтэй ажилладаг санваартнуудын хурууны хээг тэмдэглэж авна
Энэ нь дан ганц хүүхэд гэлтгүй ахмад настан, хөгжлийн бэрхшээлтэй иргэн зэрэг сүмийн хамгаалалтад байдаг хүн бүрийн аюулгүй байдлын төлөө аж.
Канадад үйл ажиллагаа, номлол явуулдаг католик сүмүүд, тэнд ажиллаж буй ажилтнууд, сайн дурынхны хурууны хээг тэмдэглэж авахаар болжээ. Энэ нь сүм, шашны нэр барьж бага насны хүүхдийг хүчирхийлэх хэрэг их гардгаас шалтгаалсан байна. Мөн зөвхөн хүүхэд гэлтгүй ахмад настан, хөгжлийн бэрхшээлтэй иргэн зэрэг сүмийн хамгаалалтад байдаг хүн бүрийн аюулгүй байдлын төлөө аж.
Уг ажлыг санаачилсан Монреаль хотын сүмийн номлогч "Сүм бол дэлхийн хамгийн ариун, хамгийн аюулгүй газар байх ёстой" хэмээжээ. Одоогоор зөвхөн арван сүмийг хамруулаад байгаа ч 2020 он гэхэд 194 сүм хамруулахаар төлөвлөн ажиллаж байгаа аж.
А.Отгонжаргал