ФОТО: Олимпийн өдөр 2017
Олон улсын олимпийн өдөр МҮОX-ноос олимпийн өдөр 2017 нээлттэй үйл ажиллагааг зохион байгууллаа.
Олон улсын олимпийн хороонд харьяалалтай улс орнуудын жил болгон уламжлал болгон тэмдэглэн өнгөрүүлдэг "Олимпийн өдөр" өнөөдөр тохиож байна. Үүнтэй холбогдуулан МҮОX "Олимпийн өдрийн өдөрлөг-2017" нээлттэй үйл ажиллагааг зохион байгууллаа.
Карате үзүүлбэр үзүүлж буй залуу тамирчид
Жил болгон тэмдэглэдэг уг өдрийн зорилго нь олимпийн спортуудыг олон нийтэд сурталчлах юм. Энэ жилээс тус ажиллагааны хүрээнд хөлбөмбөг, бадминтон, волейболын нээлттэй тоглолт, карате, өндрийн харайлтын үзүүлбэр зохион байгууллаа.
Олимпийн хорооны удирдлагууд хүрэлцэн ирсэн хүүхэд багачуудтай хөл бөмбөг, бадминтон, волейболын төрлөөр нөхөрсөг тоглолт хийж цагийг зугаатай өнгөрүүллээ.
Мөн өдөрлөгийн үеэр МУГТ, Ардын багш, МҮОХ-ны дэд ерөнхийлөгч Цэндийн Дамдин хэзээ нэг өдөр Монгол Улс Олимпийн наадмыг зохион байгуулна гэдэгт итгэж буйгаа хэлж байлаа. Үүний тулд Монголын тамирчид Олимпийн наадамдаа маш сайн оролцож, тууштай оролцох хэрэгтэй гэв.