Х.Баттулга, С.Ганбаатар нар гэр бүлийнхээ талаар танилцууллаа
МҮОНРТ-ийн Ерөнхийлөгчийн сонгуульд нэр дэвшигчдийг оролцуулсан мэтгэлцээн үргэлжилж байна. Энэ үеэр МАХН-аас нэр дэвшигч С.Ганбаатар болон АН-аас нэр дэвшигч Х.Баттулгаас гэр бүлээ танилцуулаач гэсэн асуулт тавилаа.
МАХН-аас нэр дэвшигч С.Ганбаатар
Надад их сайхан асуулт тавьжээ. Би гурван охинтой, ханьтайгаа амьдарч байгаа. Би Лондонд амьдарч байхдаа мөн гэр бүлтэй байсан. Тэгэхээр би дөрвөн охинтой гэсэн үг.
Би гэр бүлээрээ бахархдаг.
Гэртээ зүгээр л сайхан амьдрал зохиохоос гадна миний охид насанд хүрсэн хойноо сайн ханьтай учирч, сайхан нийгэмд амьдраасай гэж хүсч нийт аавууд маань Монголынхоо төлөө хамтдаа зүтгэе.
АН-аас нэр дэвшигч Х.Баттулга
Би олон хүүхэдтэй. Гэр бүлийн асуудлаар сонгуулийн үеэр их дайралт хийлээ. Би 8-35 насны хүүхдүүдтэй хүн. Сонгуулийн үеэр эхнэр хүүхдүүд рүү нэлээн их дайралт хийсэн. Энийгээ болиочээ. Заавал гэр бүлээ зурагтаар ярьмааргүй байна. Тэргүүн хатагтайн талаар яриад байх шиг байна. Заавал ярих учиртай зүйл биш шүү дээ.
Манай 25 настай хүүг хар тамхины хэрэгт холбоотой гэсэн гүтгэлэг хийсэн.
Гэр бүлийн тухай асуултад миний ар талд хүчирхэг эмэгтэй бий гэж хариулна. Энэ ёс зүйгүй гүтгэлэг манай гэр бүл рүү орж ирэх ёсгүй. Гэр бүл бол үнэт зүйл.