Цаг агаар: Нутгийн зүүн хагаст аагим халуун үргэлжилнэ

Улаанбаатарт өнөөдөр 31-33 градус дулаан байна.

Э.Намуун 2017.06.26

Ойрын өдрүүдэд нутгийн зүүн хагаст аагим халуун үргэлжлэхийг Ус, цаг уур, орчны шинжилгээний газраас малчид, тариаланч болон иргэдэд анхаарууллаа.

Энэ сарын 28-нд баруун болон төвийн аймгуудын нутгаар, 29-нд баруун аймгуудын нутгийн зарим газар, төвийн аймгуудын нутаг, зүүн аймгуудын нутгийн хойд хэсгээр, 30-нд зарим газраар, долоодугаар сарын 1-нд баруун аймгуудын нутаг, төвийн аймгуудын нутгийн баруун хэсгээр түр зуурын бороо орно. Дуу цахилгаантай. Борооны өмнө салхи түр зуур секундэд 18-20 метр хүрч ширүүснэ. Нутгийн зүүн хагаст халж Дархадын хотгор болон Алтай, Хангай, Хөвсгөлийн уулархаг нутгаар шөнөдөө 8-13 градус, өдөртөө 21-26 градус, говь талын нутаг болон Орхон-Сэлэнгийн сав газраар шөнөдөө 19-24 градус, өдөртөө 34-39 градус, бусад нутгаар шөнөдөө 15-20 градус, өдөртөө 30-35 градус дулаан байна.

Өнөөдөр Улаанбаатарт үүлшинэ, бороо орохгүй. Салхи баруун өмнөөс хойш эргэж секундэд 6-11 метр, өдөртөө түр зуур секундэд 16-18 метр хүрч ширүүснэ. Шөнөдөө 18-20 градус, өдөртөө 31-33 градус дулаан байна.

Нийслэлийн цаг агаарын 5 өдрийн урьдчилсан мэдээллийг хүргэе.