Завьт эргүүлийнхэн гурван настай хүүхдийг голд урсаж байхад нь аварчээ
Туул гол дагуу завьт эргүүл ажиллуулж байна.
Нийслэлийн Онцгой байдлын газраас голын усны ослоос урьдчилан сэргийлэх, иргэдийн аюулгүй байдлыг хангах зорилгоор Туул гол дагуу завьт эргүүл ажиллуулж байна.
Нийслэлийн аврах анги 105-ийн завьт эргүүлийн бүрэлдэхүүн зургаадугаар сарын 24-нд Баянзүрх дүүргийн 20 дугаар хороонд Туул голд 3 настай хүүхэд хөл алдаж, урсаж байсныг аварч, эцэг эхэд нь хүлээлгэн өгчээ.
Тухайн үед эцэг эх нь голын эрэг дээр байсан ч хүүхдээ хараа хяналтгүй орхисны улмаас ийнхүү голын усанд осолдох дөхөв.
Нийт эцэг эхчүүдэд бага насны хүүхдийн аюулгүй байдлыг хангаж, хараа хяналттай байхыг нийслэлийн Онцгой байдлын газраас онцгойлон анхааруулж байна гэж Нийслэлийн Онцгой Байдлын газраас мэдээллээ.