Лондончууд гудамжны шонгоос машинаа цэнэглэнэ
Лондоны Хаунслоу дүүрэгт хаа сайгүй машин цэнэглэх цэгүүдийг байгуулжээ.
Германы сэргээгдэх эрчим хүчний "Ubitricity" компани 2013 онд гудамжны гэрлийн шонгуудыг цахилгаан машин цэнэглэх цэг болгоно хэмээн мэдэгдэхэд олон улсад үл итгэсэн байдалтай хүлээн авч байв. Тэгвэл Лондоны Хаунслоу дүүрэгт хаа сайгүй тийм цэнэглэх цэгүүдийг байгуулжээ. Жолоочид тусгай холбогч утас худалдаж аваад л хүссэн цагтаа тэндээс машинаа цэнэглэж болох аж.
Утсанд залгаастай жижиг төхөөрөмжөөр дамжуулан төлбөрөө хэмжих боломжтой аж. Утсаа холбоод төхөөрөмжийнхөө цэс рүү орж цахилгаан түгээх компанийн системтэй холбогдоход машин цэнэглэгдэж эхэлнэ. Ухаалаг утасны аппликэйшн мөн байгаа.