мин

Хоёр дахь санал хураалтын талаар таны мэдэх ёстой бүх зүйл

Э.Хулан 2017.06.27

Ерөнхийлөгчийн сонгуулийн дүн албан ёсоор эцэслээгүй ч хоёр дахь санал хураалт болох нь нэгэнт тодорхой болжээ. Сонгуулийн ерөнхий хорооноос хоёр дахь санал хураалттай холбоотой мэдээлэл хийлээ.

Хоёр дахь санал хураалт хэзээ болох вэ?

Долоодугаар сарын 9-ны ням гарагт хоёр дахь санал хураалт болно.

Хоёр дахь санал хураалт болон дахин сонгуулийн ялгаа юу вэ?

Хоёр дахь санал хураалт авч байгаагийн үндсэн агуулга нь намууд шинэ нэр дэвшигч дэвшүүлэхгүй юм байна. Хамгийн их санал авсан хоёр нэр дэвшигчийн нэрийг үлдээж, санал авна. Өөрөөр хэлбэл, МАН-аас нэр дэвшигч М.Энхболд, АН-аас нэр дэвшигч Х.Баттулга хоёрын нэр үлдэх бололтой.

Хэн санал өгөх вэ?

Бүх сонгогч оролцоно. Гадаадад амьдарч буй монголчууд ч хоёр дахь санал хураалтад санал өгөх учиртай гэнэ.

Хоёр дахь санал хураалтын төсөв хэд орчим болох вэ?

Урьдчилсан байдлаар 7.2 тэрбум төгрөгийн төсөвтэй болно гэж Сонгуулийн ерөнхий хорооноос мэдээлж байна. Энэ мөнгийг Засгийн газрын нөөцөөс гаргах төлөвтэй.

Сонгуулийн сурталчилгаа хийх үү?

Үгүй.

Хоёр дахь санал хураалтын үеэр 50+1 хувийн санал авахгүй, хоёр нэр дэвшигч тэнцвэл юу болох вэ?

Дахин сонгууль явуулна. Дахин сонгууль явуулах үед намууд шинэ нэр дэвшигч дэвшүүлнэ. Хамгийн гол нь, өмнөх нэр дэвшигчийг дахин сонгуульд өрсөлдүүлөхгүй байх онцлогтой юм байна.