Хэрвээ #Хоосонсаналынхуудас биелвэл...?
Энэ удаагийн Ерөнхийлөгчийн сонгуульд нэр дэвшсэн гурван эрхмийн хэн нь ч нийт санал өгсөн хүмүүсийн 50-иас дээш хувийн саналыг авч чадаагүй учраас дахин санал хураалт болохоор болж, тов нь долдугаар сарын 9-нд тогтов.
Дахин санал хураалтанд АН-аас нэр дэвшигч Х.Баттулга, МАН-аас нэр дэвшигч М.Энхболд нар хүч үзэх нь тодорхой болсон.
Харин нийгмийн сүлжээнд #Хоосонсаналынхуудас хэштаг хүчээ авч байна. Хэрэв хоёр дахь санал хураалтаар нэр дэвшигчдийн хэн ч 50 хувиас дээш санал авахгүй бол ДАХИН САНАЛ ХУРААЛТ биш ДАХИН СОНГУУЛЬ болно. Энэ тохиолдолд МАН, АН нэр дэвшигчдээ солих болно. Гэхдээ энэ бүхэн одоо магадлалын төдий байна.
Дахин сануулахад МАН, АН-ын дотоод сонгуульд М.Энхболдын ард Ц.Нямдорж, Х.Баттулгын ард Р.Амаржаргал байсан билээ.
Юу болохыг харах л үлдлээ.