мин

Гадаадын ажиглагчид МУ-ын Ерөнхийлөгчийн сонгуульд дүн тавьлаа

Европын Аюулгүй Байдал Хамтын Ажиллагааны байгууллага хэвлэлийн хурал заралж ажлаа тайлагналаа.

Ub.life 2017.06.27 44 5 4

3

Өчигдөр болсон Ерөнхийлөгчийн сонгуульд ажиглалт хийсэн Европын аюулгүй байдал хамтын ажиллагааны байгууллагын төлөөлөгчид өнөөдөр сонгуулийн урьдчилсан шатны дүгнэлтийг танилцууллаа.

Тэд Сонгууль зохион байгуулалт сайн, өрсөлдөөнтэй байсанд ам сайтай байв. Гэвч хэд хэдэн дутагдлууд байсныг дурдсан юм. Тодруулбал, МАХН-аас нэр дэвшигч С.Ганбаатарын шүүхийн шатанд байгаа хэргийн улмаас нэр дэвшигчтэй холбоотой тодорхойгүй нөхцөл байдал үүссэн гэж үзэж байгаа аж.

Мөн хэвлэл мэдээллээр сонгуулийн сурталчилгаа өргөн цацагдсан ч дүн шинжилгээнд суурилсан мэдээллээр дутмаг байсанд шүүмжлэлтэй хандлаа. Сурталчилгаа өргөн хүрээнд цацагдсан ч улс төртэй холбоотой үг хэллэг нь гаднынхныг гадуурхсан хэл ярианаас ангид байгаагүйг ажиглагчид онцлов.

Хурлын үеэр ЕАБХАБ-ын Парламентын ассамблейн төлөөлөгчдийн тэргүүн Ёориос Ваременос " Өчигдөр үнэхээр гайхалтай зүйлийг харууллаа. Монголчууд дараагийн ерөнхийлөгчөө чөлөөтэй сонгох боломжийг эдлэн, санал авах байруудад технологийг хэрхэн сайн ашиглаж болдгийг хараад европын олон улстөрч атаархсан биз ээ" гэв. Оролцогч талууд нь сонгогчдын бүртгэлийг үнэн зөв, бүх сонгогчийг хамруулсан зэрэгт ерөнхийд нь итгэж байгаагаа мөн илэрхийллээ.

"Миний бодлоор хэдийгээр цөөн тооны алдаа дутагдал байсан ч, Монгол Улсын иргэд ерөнхийлөгчийн сонгуулийн эхний шатанд жинхэнэ ардчилсан сонгуульд сонголтоо илэрхийлэх боломжтой байлаа. Сонгуулийн сурталчилгааны үеэр нэлээд таагүй зүйлс болж байсан. Манай хороо хоёр дахь шатны санал хураалт болсны дараа ес орчим хоног энд байна. Миний бие болон АИХЭГ-аас ирсэн хамтран ажиллагсад үлдсэн хугацаанд энэхүү сайхан, ардчилсан оронд үр дүнтэй ажиллана гэдэг итгэж байна" гэж ЕАБХАБ-ын сонгууль ажиглах хязгаарлагдмал хорооны тэргүүн, элчин сайд Геерт-Хинрич Аренс хэлж хурлыг өндөрлүүллээ.

Цагдаагийн байгууллагад сонгуулийн өдөр нийт 150 орчин өргөдөл гомдол ирснээс 86 орчим нь санал худалдаж авах тухай гомдлууд байсан аж. Ажиглагчид дахин санал хураалтад хамтран ажиллах бөгөөд 30 улсаас ирсэн 66 ажиглагчид ажиллаж байгаа юм.

Ub.life 2017.06.27

3