БНХАУ агаарын бохирдолтой тэмцэхээр анхны "ойн хот"-оо байгуулж байна
Ойн хот 100 гаруй төрлийн нэг сая орчим ургамал, 40 мянган модноос бүрдэх юм.
БНХАУ-ын Байгаль хамгааллын яам Луанси мужийн Люжоу хотод 40 мянган модтой ойн хот байгуулж эхэлжээ. Ойн хот 100 гаруй төрлийн нэг сая орчим ургамал, 40 мянган модноос бүрдэх юм. Эдгээр ургамал, моддын ачаар жилд 57 тонн хүчилтөрөгч ялгаруулна. Энэ нь агаарын бохирдлыг бууруулаад зогсохгүй амьтан, ургамлын биологийн төрөл зүйл нэмэгдэх, хөрсний бохирдол бууруулах сайн талтай. Хотын загварыг Стефано Бёри гаргасан бөгөөд тэрээр өмнө нь Наньжин хотод байрлах 350 метр өндөр ойн байгууламжийн загварыг гаргаж байсан юм.
Мэдээж тус хот дан ургамлаас бүрдэхгүй.Олон төрлийн барилга байгууламж, үйлчилгээний байгууллага, цэцэрлэгт хүрээлэн, орон сууц,бусад хот руу цахилгаан галт тэргээр холбогдсон цогцолбор бүхий хот байх юм. Бүтээн байгуулалтын ажил дууссаны дараа хот ойролцоогоор 30 мянга орчим оршин суугчидтай байхаар төлөвлөж байгаа бөгөөд 2020 он гэхэд ашиглалтад орох аж.