мин

Зарим аймгийн наадмын хуваарийг өөрчиллөө

Засгийн газрын ээлжит хуралдаан болов.

Э.Намуун 2017.06.29 30 14 9

Засгийн газрын ээлжит хуралдаан өчигдөр боллоо. Энэ үеэр зарим аймгийн  наадам тэмдэглэх хугацааг Засаг дарга нараас ирүүлсэн хүсэлтийг харгалзан нэр бүхий аймгуудын баяр наадмын товыг өөрчилсөн юм. Тодруулбал, Баянхонгор сум байгуулагдсаны 60 жилийн ойг хамтатгаж Баянхонгор аймгийн наадмыг долоодугаар сарын 21-22-нд хийхээр товлов. 

Түүнчлэн зарим суманд шүлхий өвчин гарсан, нийт нутгаар нь гантай  байгааг харгалзан Дорноговь аймгийн наадмыг долоодугаар сарын 28-29-нд, Зүүн бүсийн хурдан морины уралдаантай хамтатган Сүхбаатар аймгийн наадмыг долоодугаар сарын 28-29-нд зохион байгуулахаар боллоо.

Мөн Монгол Улсын Ерөнхийлөгчийн 2017 оны ээлжит сонгуулийн хоёр дахь санал хураалт болох 2017 оны долоодугаар сарын 7-ны өдөр орон нутагтаа аймаг, сумын наадам хийхгүй байхыг аймгуудын Засаг дарга нарт үүрэг болголоо.

Э.Намуун 2017.06.29