Роналду ихрүүдийнхээ зургийг дэлгэв
Ихрүүдийн эрэгтэйг нь Матео, охиныг Ева гэж нэрлэжээ.
Криштиану Роналду тээгч эх ашиглан, ихэр хүүхэдтэй болсон талаар бид мэдээлсэн билээ. Тэгвэл Роналду олон нийтийн сүлжээгээр хүүхдүүдийнхээ зургийг дэлгэн харууллаа.
Инстаграм хуудсандаа тэрбээр “Хоёр хүүхдээ гартаа тэврэнэ гэдэг үгээр илэрхийлэшгүй аз жаргал” гэж бичсэн. Ихрүүдийн эрэгтэйг нь Матео, охиныг Ева гэж нэрлэжээ. Ихрүүд зургаадугаар сарын эхээр мэндэлсэн бөгөөд Роналду албан ёсоор мэдээлэл хийгээгүй байсан юм. Инстаграмын энэ зураг ямар ч албан мэдээллээс илүү биз ээ.
32 настай Криштиану ийнхүү 2 хүү, 1 охинтой боллоо. Гэхдээ хэвлэл мэдээллээр түүний найз бүсгүй Жоржина Родригез бие давхар гэсэн мэдээлэл гарч байгаа тул удахгүй Роналду 4 хүүхдийн эцэг ч болж болох юм.