1 мин

Хувийн хэвшилд ажилладаг залуусыг Япон улсад үнэгүй сургана

2017-2024 он хүртэл үргэлжилнэ.

Э.Намуун 2017.06.30 41 17 12

Япон улсын буцалтгүй тусламжаар Монгол улсад хэрэгжуүүлэх “Хүний нөөцийг хөгжүүлэх тэтгэлэгт хөтөлбөр”-ийн Засгийн газар хоорондын солилцох ноот бичигт Сангийн сайд Б.Чойжилсүрэн, Япон улсаас Монгол улсад суугаа онц бөгөөд бүрэн эрхт элчин сайд Масато Такаока нар гарын үсэг зурлаа. 

Уг хөтөлбөр Монгол улсын ирээдүй болсон төрийн албан хаагч, залуу боловсон хүчинг Япон улсын их, дээд сургуулийн магистр, докторын хөтөлбөрт тэтгэлэгтэйгээр суралцуулах зардлыг олгодог юм. Энэ жил хэрэгжих хөтөлбөрийн тухайд хувийн хэвшилд ажиллаж байгаа Япон хэлтэй залуусыг хамруулахаар болсноороо онцлогтой.

Өнөөдөр ноот бичигт гарын үсэг зурснаар энэ жил 22 залуу боловсон хүчин Япон улсад үнэ төлбөргүй суралцах эрх нээгдэж байна. 2017-2024 он хүртэл 7 жилийн хугацаанд 307 сая иен буюу 20 гаруй тэрбум төгрөгийг энэхүү хөтөлбөрийн хэрэгжилтэд зарцуулах аж.

2001 оноос хэрэгжиж эхэлсэн уг хөтөлбөрт өнөөдрийг хүртэл 280 залуу боловсон хүчин суралцаж эх орондоо эргэн ирж ажиллаж байна. Эдгээр суралцагсад төрийн захиргааны байгууллагууд,  Монгол банк зэрэг олон салбарт үр бүтээлтэй ажиллаж байна.

Э.Намуун 2017.06.30