Энэтхэгчүүд 12 цагийн дотор 67 сая мод суулгажээ
Парисын уур амьсгалын хэлэлцээрийн амлалт ёсоор Энэтхэг ирэх 13 жилд ойн бүсээ 95 сая гектараар (га) нэмэгдүүлэх учиртай.
Энэтхэгийн Мадяпрадеш мужийн иргэд өчигдөр 12 цагийн дотор 67 сая мод суулгажээ. Оюутан, гэрийн эзэгтэй, төрийн албан хаагчид гэхчлэн янз бүрийн 1.5 сая хүн нийлж 20 орчим төрлийн мод тарьсан байна. Өнгөрсөн оны долоодугаар сард мөн Энэтхэг улсын Уттарпрадеш мужийн иргэд 24 цагийн дотор 50 сая орчим мод тарьж, Гиннесийн амжилт тогтоож байв.
Парисын уур амьсгалын хэлэлцээрийн амлалт ёсоор Энэтхэг ирэх 13 жилд ойн бүсээ 95 сая гектараар (га) нэмэгдүүлэх учиртай. Энэтхэгийн Засгийн газар үүнд 6.2 тэрбум ам.доллар зарцуулахаар шийдвэрлэжээ. Дээрх хоёроос бусад мужид ч моджуулах хөтөлбөр эрчимтэй хэрэгжиж байгаа аж.