2 мин

Эдийн засаг | Монгол хүн бүрийн өрийг дарах боломжтой юу?

Гурван хүн тутмын нэг нь арилжааны банкнаас зээл авсан байдаг.

Э.Хулан 2017.07.03 18 13 3

4

Дорж, Дондог, Дулмаа ерөөс Монгол Улсын дугаар хорооны бүх иргэний зээлийг Халтмаагийн Баттулга төлж өгөх тухай үлгэр домгийн мэт гэхдээ үнэн бодит явдлаас сэдэвлэсэн яриа олон нийтийн сүлжээнд газар авав. Гэхдээ дугаар хорооны иргэн Та, байрны зээлтэй бол эрт баярлах хэрэггүй шүү. Таны зээлийг төлж өгөх тухай энд яриагүй байна. Цалин, тэтгэвэр, сургалтын болон малчны зээлтэй иргэдийн зээлийг төлж өгөөрэй гэж АН-ын дарга С.Эрдэнэ өөрийн намаас нэр дэвшигч Х.Баттулгыг үүрэгдэж, албан тоот илгээжээ. 

АН, ардчилал, либерал үзэл, чөлөөт зах зээл зэрэг эрхэмлэх үнэт зүйл нь Түй ч байхгүй болсны илрэл... pic.twitter.com/kX2FSivdXa

— Tsogt Byambatseren (@tsogt_tsogt) July 2, 2017

Албан тоот эсвэл амин хувийн яриа  аль нь ч бай, ялгаа алга. Ямартай ч Ардчилсан нам дугаар хорооны, тэр дундаа зээлтэй иргэдийн өр ширийг Монгол Улсын хөндөгдөөгүй, онгон дагшнаараа буй байгалийн баялгаас, түүний ӨГӨӨЖӨӨР, иргэдэд эзэмшүүлэх хувьцааны НОГДОЛ АШГААС төлж өгөхөөр болсноо зарласан нь энэ юм. 
 
Хувьцааны зах зээлийн гоё, ганган үг ашиглаад, тооцоо судалгаатай гэж дурдсан эл албан тоотыг бичсэн нь үнэн бодит явдал болж, биелэлт нь харин үлгэр домог болж тун магадгүй. Учир нь Монгол Улсын хэмжээнд бараг нэг сая хүн иргэдийн зээл авсан байдаг тухай статистикийг Та Монголбанкны цахим хуудаснаас авч болно. Товчоор гурван хүн тутмын нэг нь цалин, тэтгэвэр гэх мэтчилэнгээр зээлтэй байдгийг, тэр нь нийт ДНБ-ий 23 хувьтай тэнцэх хэмжээний их наядаар тоологдсон мөнгө байдгийг Та доорх графикаас харна уу. 

СТАТИСТИК
 

 
Тэгвэл нийт зээл авсан иргэдийн тоо энэ оны тавдугаар сарын эцсийн байдлаар  943.6 мянга болжээ. 

Эх сурвалж: www.mongolbank.mn 
 

Тэгэхээр Халтмаагийн Баттулга Ерөнхийлөгч болбол намаас өгсөн үүрэг даалгаварын дагуу бараг нэг сая хүний 5.57 их няад төгрөгийн өрийг цайруулах бололтой. Өөрөөр хэлбэл, энэ мөнгө нь ДНБ-ий 23 хувьтай тэнцэж байна. 
 
Тэгвэл энэ их хэмжээний өрийг шууд цайруулах боломж Х.Баттулгад үнэхээр бий юү? Энэ асуултад УИХ-ын гишүүн Б.Жавхлан “Үгүй” гэж хариулж байна. 
 

 

Э.Хулан 2017.07.03

4