Moody’s: Монголын банкны системийг тогтвортой ангилалд шилжүүллээ
Өмнө нь Монголын банкны системийг сөрөг ангилалд багтааж байсан юм.
Олон улсын үнэлгээний Moody’s агентлаг Монголын банкны системийн үнэлгээг тогтвортой ангилал руу шилжүүлсэн байна. Өмнө нь банкны системийг сөрөг ангилалд багтааж байсан юм. Энэ нь Монголын банкууд ирэх 12-18 сарын хугацаанд зээлээ эргэн төлөх чадвар хэрхэн өөрчлөгдөх талаар Moody’s агентлаг ямар хүлээлттэй байгааг харуулж байгаа гэнэ.
Банкны системийг тогтвортой ангилал руу шилжүүлэхэд энэ оны ДНБ-ий бодит өсөлт 0.2 хувьд хүрснийг харгалзан үзсэн байна. Тиймээс Moody’s агентлагийн зүгээс 2018 онд Монголын эдийн засаг 1.8 хувиар өснө гэсэн тооцоо хийсэн байгаа юм. Мөн Монголын Засгийн газар ОУВС-тай урт хугацаат санхүүжилтийн хөтөлбөр хэрэгжүүлэхээр тохирч чадсан нь нөлөөлж байгаа тухай дурджээ.