Ж.Үнэнбат: Ямар ч тохиолдолд зээл авдаг, төлдөг харилцаа хуульд захирагдсан байх ёстой

 

 

 

-Ер нь банкны салбарын үйл ажиллагаа бодит эдийн засгаас шууд шалтгаалдаг. Бодит эдийн засаг сайн ажиллаж байж банкны систем дагаж сайжирдаг. Санхүүгийн салбар ч урагшаа хөгждөг. Учир нь банкууд бодит салбарт зээл олгодог шүү дээ. Бодит салбар сайн ажиллаж байж, банкны гол бүтээгдэхүүн болох зээлийн эргэн төлөлт сайжирдаг юм. Үр дүнд нь активын чанар сайжирдаг. Өөрөөр хэлбэл, аж ахуйн нэгжийн үйл ажиллагаа сайжирч байж банкууд тогтвортой байдаг.  

 

-Банкны салбарын эрүүл мэндийг сайжирч байна гэж Та дүгнэж байгаа юм байна шүү дээ? 

 

-Банкны салбарын эрүүл мэнд угаасаа сайн байсан гэж хэлж болно. Ер нь эдийн засаг сорилттой тулгарсан энэ хугацаанд муудаагүй шүү. Бодит секторын үйл ажиллагаа муудаж, чанаргүй зээлийн хэмжээ өссөн ч бид үүний эсрэг сайн арга хэмжээ авсан.  

 

Тухайлбал, зээлийн алдагдлын сан байгуулсан. Мөн өөрийн хөрөнгөө нэмэгдүүлж, төлбөр түргэн гүйцэтгэх чадвараа сайжруулахад онцгой арга хэмжээ авч ажилласан. Ялангуяа манай банкууд түүхэндээ маш өндөр төлбөрийн чадвартай байгаа гэдгийг онцолмоор байна. Бид Засгийн газрын үнэт цаас гэх мэтчилэнгээр найдвартай активуудад хөрөнгөө нэлээд сайн хөрвүүлсэн. 

 

 

-Зээлийн эргэн төлөх чадвар гэдэг нь зээлийн рейтинг буюу зэрэглэл гэдэгтэй холбогдоно. Гаднын зүгээс Монголын эдийн засгийг яаж харж байгаа вэ гэдэг нөхцөл байдлаар тодорхойлогдож байна. Монгол Улсын эдийн засгийг гадаадын хөрөнгө оруулагчийн нүдээр харж буй өнцөг юм.  

 

Гэхдээ дан ганц банкны системийн үйл ажиллагаагаар хөрөнгө оруулагчдын итгэлийг сэргээнэ гэдэг хэцүү. Хөрөнгө оруулагчдын итгэлийг сэргээхэд цаг хугацаа шаардана. Тиймээс тууштай, тогтвортой ажиллах хэрэгтэй. Энэ чиглэлээр бид ажиллаж байна. 

 

 

- ОУВС-гийн хөтөлбөрт хамрагдахын тулд Монгол Улсын Засгийн газраас хүсэлт тавьсан. Энэ хөтөлбөрт хамрагдах болсонтой уялдуулан активын чанарын үнэлгээг Монголын банкуудад хийхээр болсон юм. 

 

Үнэндээ энэ бидний хувьд тийм ч чухал байгаагүй. Учир нь Монгол Улсын банкны салбар шууд бодит эдийн засгаас шалтгаалдаг. Бодит эдийн засгийг яаж үнэлж байна вэ гэдэг нь активын үнэлгээгээр харагдана гэж ойлгож байгаа. 

 

ОУВС-гийн шаардлагын дагуу дээрх үнэлгээнд бэлтгэх үйл явц манай банкуудад эхэлчихсэн байна. Бид үнэлгээгээ амжилттай даван туулна гэж бодож байгаа. Үүний дараа манай банкны систем илүү хүчирхэг болж, итгэл даах байх гэж харж байна. 

 

 

- Үр дүн эсвэл үр уршиг гэх мэтчилэнгээр энэ сэдвийн сэдлийг ярихаас илүүтэй нэг л зүйл онцолмоор байна. Ямар ч тохиолдолд зээл авдаг, төлдөг харилцаа найдвартай байх ёстой. Гэрээний үүргээ биелүүлдэг, хуульд захирагдсан санхүүгийн зуучлал найдвартай ажиллаж байж үр ашигтай санхүүгийн систем бий болно. Тэр санхүүгийн систем манай улсын эдийн засагт бодитой хувь нэмэр үзүүлнэ гэж бодож байна.