Кайла Харрисон ирэх жил холимог тулаанд хүч үзнэ
2012, 2016 оны олимпод 79 кг-ийн жинд түрүүлсэн Кайла “PFL” холбооны тэмцээнд оролцохоор гэрээ байгуулжээ.
Америкийн жүдоч, олимпийн хошой аварга Кайла Харрисон 2018 оноос холимог тулаанд хүч сорих болжээ. 2012, 2016 оны олимпод 79 кг-ийн жинд түрүүлсэн Кайла “PFL” холбооны тэмцээнд оролцохоор гэрээ байгуулжээ. Харрисон одоо 27 настай, өнгөрсөн оноос тус холбооны тэмцээнийг тайлбарлаж байгаа.
Түүний анхны тэмцээн 2018 оны хоёрдугаар сард болох төлөвтэй байна. Харрисон холимог тулааны дэлхийн аварга асан Ронда Роузитэй АНУ-ын жүдогийн шигшээ багт байхдаа байнга хамт бэлтгэл хийдэг байсан бөгөөд холимог тулааны бэлтгэлээ хэдийнэ хийж эхэлсэн билээ.