1 мин

Туркийн онгоц саатан, Европт суугаа сонгогчдын санал хожимдож байна

Одоогийн байдлаар 1984 хэсгийн хорооноос 1983-ынх нь дүн нэгтгэгджээ.

Б.Энхцэцэг 2017.07.08 35 22 13

Хүлээгдэж байсан Ховд аймгийн Үенч сумын Улиаст багийн хэсгийн хорооны санал өнөөдөр 09.30 цагийн үед ирснээр Сонгуулийн ерөнхий хороо одоогийн байдлаар 1983 хэсгийн хорооны мэдээллийг нэгтгэж дуусчээ. Ийнхүү улсын хэмжээнд сонгуулийн санал авах 1984 хэсгийн хороо ажилласнаас нэгээс нь бусдын дүн СЕХ-нд ирлээ.

СЕХ Европын орнуудад амьдардаг сонгогчдын саналыг хүлээж байгаа бөгөөд битүүмжилсэн саналыг тээвэрлэсэн “Тurkish airlines” компанийн нислэг саатаж, өнөөдөр үдэш 23 цагийн үед олон улсын нисэх онгоцны “Чингис хаан” буудалд буухаар хойшлогдсон гэх мэдээллийг СЕХ өглөө. Ийнхүү Ерөнхийлөгчийн сонгуулийн хоёр дахь шатны санал хураалтын нэгтгэсэн дүнг зарлах учиртай хэвлэлийн хурлаа Сонгуулийн ерөнхий хороо товлох боломжгүй болоод байна.

Ерөнхийлөгчийн сонгуулийн хоёр дахь шатны санал хураалтын дүнг өнөөдөр 09.00 цагийн байдлаар танилцуулбал, АН-аас нэр дэвшигч Х.Баттулга 610451 буюу нийт сонгогчдын 50.6, МАН-аас нэр дэвшигч М.Энхболд 496765 буюу 41.2 хувийн санал аваад байна.

АН урьд шөнө 01 цагт сонгуулийн дүнгийн талаар мэдэгдэл хийж, нэр дэвшигч Х.Баттулга ялсанд гишүүд, дэмжигчдэдээ баярласнаа илэрхийлсэн. АН одоо 11 цагт дахин хэвлэлийн хурал хийхээр зарлажээ.

Б.Энхцэцэг 2017.07.08