1 мин

Судалгаа: Сүсэгтнүүд атеистуудаас илүү нээлттэй харилцагчид байдаг

Үл итгэгчид болон агностикууд өөрсдийгөө шашинлаг хүмүүсээс илүү нээлттэй гэж үздэг ч бодит байдал дээр өөрийнхөөсөө өөр үзэл бодолд хурц шүүмжлэмтгий ханддаг хэмээн судлаачид судалгааныхаа эцэст дүгнэжээ.

П.Номинбилэг 2017.07.17 39 37 33

16

Бельгийн Лёвений католик их сургуулийн судлаачид сүсэгтнүүд бусдын үзэл бодолд илүү нээлттэй ханддаг гэх дүгнэлтэд хүрчээ. Тэд Их Британи, Франц, Испанийн 788 хүнийг оролцуулсан байна. Тэдний 302 нь атеист, Христийн 255 шашинтан, 143 агностик, 37 буддист, 17 мусульман, иудын 3 шашинтан аж. 51 нь "бусад" гэж хариулжээ.   

Үл итгэгчид болон агностикууд өөрсдийгөө шашинлаг хүмүүсээс илүү нээлттэй гэж үздэг ч бодит байдал дээр өөрийнхөөсөө өөр үзэл бодолд хурц шүүмжлэмтгий ханддаг хэмээн судлаачид судалгааныхаа эцэст дүгнэжээ. Судалгааг удирдсан эрдэмтэн Филип Узаревич “Бусдын үзэл бодлыг үл хүндэтгэх байдлыг шашинтай холбон үзэх хандлага хүмүүсийн дунд түгээмэл байдаг. Олны дунд өрнөж буй хэлэлцүүлгийг ажихад шашинч, уламжлалт үзэлтэй болон либерал, шашинч бус үзэлтэй хүмүүсийн аль аль нь сөрөгч хэсгийнхээ үзэл бодлыг эрс үгүйсгэж байсан. Гэтэл яагаад ч юм ийм тохиолдолд сүсэгтнүүдийн буруу болж таардгийг бид ажигласан учраас ийм судалгаа хийхээр шийдсэн. Сэтгэлзүйчдийн олонх нь ч шашинлаг бус хүмүүс бусадтай харилцахдаа илүү тэвчээртэй байдаг гэж үздэг юм билээ. Бид үнэхээр тийм ялгаа бий, эсэхийг тодруулахыг хүссэн” хэмээн ярьжээ.

Бусадтай харилцахдаа хэр нээлттэй ханддагаар нь гурван үзүүлэлтэд хуваан судлахад сүсэгтнүүд итгэл үнэмшилдээ гуйвшгүй үнэнч байх ёстой гэж үздэг нь ажиглагдсан аж. Харин өөрийнхөөс нь өөр үзэл бодлыг тэвчих чадвараараа атеистууд тэднээс хол дор байв.

П.Номинбилэг 2017.07.17

16