Авторын булан | MCS-ийн задрал ба Х.Баттулгын дараагийн нүүдэл


  |     2017-07-17 15:15   |     9321
  2017-07-17 15:15   |     9321

Өнгөрсөн наадмаар Элдэвээ захиралд “өвдөг шороодсон” Х.Баттулга энэ жил харин Ерөнхийлөгчийн тамгаа MCS групптэй холбоотой сонирхолтой мэдээлэл дунд хүлээж авав. MCS-ийн гэх тодотголтой Л.Элдэв-Очир захирал Баянхонгор аймагт Х.Баттулгатай хүч үзэж, УИХ-ын гишүүн болсон үндсэн шалтгаан нь хонгор нутгийн хоёр хүүгийн олон жил дамнасан бизнесийн талцалтай холбогддог. Энэ жилийн баян ходоод, ирэх жилийн түрүү магнай болдогийг баталсан Жэнко Х.Баттулга болон MCS-ийн Ж.Оджаргалын талцалд эцэс ирээгүй гэдэг нь зах зээлийн хөдөлгөөнүүдээр нотлогдож байна. 

Төрийн хар хүн болохоосоо өмнө Л.Элдэв-Очир захирал “Tiger”-ийн Монгол дахь үйлдвэрийн босс хийж явсан туршлагатай. Тэгвэл түүний ахалж явсан MCS группийн охин компани MBC нь(үүнд Спирт бал бурам, СББ трейд багтдаг) АПУ-гийн мэдэлд шилжих тухай дуулиантай зэрэгцээд Х.Баттулга Монголын Ерөнхийлөгч болжээ. Үнэндээ жил гаруйн хугацаанд яригдсан энэ нэгдэл албан ёсоор эцэслэж буй бололтой. Түүгээр ч зогсохгүй Монголын шинэ Ерөнхийлөгч тодрох торгон тэр агшинд Хонконгийн хөрөнгийн биржид “Mongolian mining corporation”-ий хувьцааны ханш газардаж, хөрөнгийн биржийн туршлагатай тоглогчид ханшийн савалгаанаас мөнгө хийсэн байна. 

Таван толгойг ярих үед холбоо үг мэт сонсогдох болсон “Mongolian mining corporation” нь MCS групптэй ямар хамаатай юм бол гэж гайхдаг хүн байвал ЭНД дарна уу. “Mongolian mining corporation” буюу “Энержи ресурс” нэрээр нь бидний сайн мэдэх энэ компани  MCS группийн уул уурхайн салбарын өнгө төрх гэдгийг Та харж байна. 

Үнэндээ тэд уул уурхай, аялал жуулчлалын салбарт анхаарах замаар бусад бизнесээ орхиж эхэлжээ. Монгол тулгатны 100 эрхэм нэвтрүүлэгт оролцох үедээ ч Ж.Оджаргал захирал “Монголд ирээдүйтэй гурван салбар бий гэж бид харж байгаа. Нэгдүгээрт, уул уурхай. Хоёрдугаарт, аялал жуулчлал. Сүүлийнх нь хөдөө аж ахуй” гэж хэлсэн байдаг. Түүний хэлсэн энэ үг MCS-ийн алсын хараа болж зангидагдсан аж. 
 
Жишээ нь, Ж.Оджаргалын вант улсад харъяалалтай асан “Анун” төвийг нэрлэж болно. Тавилгын худалдаа, үйлдвэрлэлийн чиглэлээр дагнадаг энэ аж ахуйн нэгжийг Ж.Оджаргал менежментийн багийнханд буюу ажлаа гардан гүйцэтгэж явсан залуучуудад борлуулсан тухайгаа ярьсан байдаг. Товчхондоо “buy out” хийжээ. Мөн компьютер худалдааны IT zone, шил толь болж гялалздаг “Irish Pub” гэхчилэнгээр олон бизнесээ MCS орхисон юм. Тэгвэл наадмын энэ өдрүүдэд “Tiger”-ийн шар айрагны үйлдвэрээ АПУ-д нийлүүлж буй тухай мэдээлэл олны чихэнд хүрэв. Энэ оны эцэс гэхэд уг ажил бүрэн албажих хүлээлттэй байна. 

Ерөөс MCS группийн уул уурхай болон аялал жуулчлалын бизнес өөдөө улам өндийж, мэдээлэл холбоо, үл хөдлөхийн бизнесүүдтэй нь зэрэгцээд иржээ. Уул уурхайн нүүр царай нь дээр дурдсан “Энержи ресурс” бол олон улсын Шангри-Ла сүлжээ зочид буудалтай хамтарч байгуулсан, хүүхдийн паркын хойно сүндэрлэх бүтээн байгуулалт нь аялал жуулчлалын салбартай холбогдож байна. MCS-ийн задрал ба улам ч ахиж дэвших хүлээлт нь харин шинэ Ерөнхийлөгч Х.Баттулгын дараагийн нүүдлүүдээс шалтгаалахаар байна. 

Ямартай ч шинэ Ерөнхийлөгч төрийн тамгыг гартаа атгаснаар Тавантолгойн “unplugged гацалт” цаашдаа ч үргэлжлэх төлөвтэй болж ирснийг олон нийт төвөггүй ойлгож байгаа юм. Төмөр замаар Монголыг хэрэх бодлогыг батлуулж явсан Х.Баттулга Ерөнхийлөгч болсон нь царигийн маргаанаар нэрд гарсан Тавантолгой-Гашуунсухайт чиглэлийн 267 километрийн төмөр замын үлгэр жаргах болоогүйг харуулна. Үнэндээ манай шинэ Ерөнхийлөгчийн нэр дээр дурдсан төмөр зам, түүнийг тавих газар шорооны ажлаас болж сэжигтэн, буруутан хүртэл сэвтчихсэн юм. Хамгийн аймар нь, Х.Баттулгын нэрийг сэвтүүлсэн төмөр замын хэрэг түүнтэй холбогддог Тавантолгойг эргэлтэд оруулах тухай олны анхаарлын төвд байсан том сэдвүүд алсрах тийшээ хандаж тун магадгүй болж байгаа юм. Энэ нь “Mongolian mining corportion”-ийн хувьцааны ханш шинэ Ерөнхийлөгчийн чимээнээр шалдаа буусны шалтгаан болж байна. 

Ямартай ч Монголын бизнесийн хамгийн том тоглогч Ж.Оджаргал болон Төрийн тэргүүн Х.Баттулга нарын талцалд эцэс ирээгүй нь цаашдаа ч анхаарлын төвд байх сэдэв гэдгийг нь харуулж байна. Хэрхэхийг тэнгэр мэдэж, үр дүн нь Монголын жижиг эдийн засагт өөрийн өнгө төрхөөр нөлөөлөх юм. 



Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

5 сэтгэгдэлтэй

  • Зочин   [202.70.46.213]
      2017-07-21 13:44
    MCS hezee ch jencogoor orolddoggui. Jenco l MCS eer orolddog. Hezeed l tiim bsan. Baih ch bolno. Muruuruu ajillaa hiigeed yvj bgaa uls orondoo bodit hurungu oruulalt hiideg company shuu dee.Jenco shig bi hiine gej ulsaas heden zuun ter bumaar idcheed suuj baidagtai yavch zuirleshgui .

  • Хн... MCS Женкотой зүйрлэшгүй дэвшилттэй мундаг компани шүү дээ. Женко байсан байгаагүй ажлаа хийгээд л явна биз. Хэрүүлийн чанартай юмаа монголчууд болимоор юм шиг ээ   [128.199.241.231]
      2017-07-18 18:03
    Зочин

  • Зочин   [73.252.180.212]
      2017-07-18 02:32
    МСS бол улс төрчид гэх этгээдүүдийг мөнгөөр угжиж өөрийн талд дуулгавартай зүтгэгч болгодог муу аргатай компани юм шиг бдгаа. Энэ цааш үргэлжилбэл монголын төр улам бохир муу болно. Үүнииг засах хэрэгтэй, тэр төлөөний этгээдүүдийг нь улс төрөөс шахан гаргах хэрэгтэй.

  • Зочин   [122.201.22.70]
      2017-07-18 01:27
    MMC ч хэцүү болсон нь тодорхой. Оюутолгойгоо л оролдож тэнэгтэхгүй гэж найдахаас.

  • ёро   [27.123.214.116]
      2017-07-18 00:47
    Монголиан Майнинг ингээд дампуурах нь тодорхой болж бх шг.бндаа Баттулга ч хэлсэндээ хүрлээдээ Айхтар зуусан бн

Залуучуудад өөрийнхөө ЖААЗТАЙ ЗУРГИЙГ бэлэглэсэн УИХ-ын гишүүн твиттерийг шуугиулж байна

Өмнөговь аймгийн Залуу уяачдын холбооны гишүүдэд хурдан удмын даага болон өөрийнхөө жаазалсан зургийг бэлэглэсэн нь олны гайхшрал, инээдийг төрүүлж байна.

  2017-07-21 13:11

З.Энхболд цахим хуудсаараа дамжуулан Ц.Цолмонд хариу хэлэв

Ерөнхийлөгчийн Тамгын газрын дарга З.Энхболд “Элчин сайд нарыг эгүүлэн дуудах тухай” албан бичгийн хариугаа өнөөдөр авсан юм.

  2017-07-20 18:59

Элчин сайд нарыг эгүүлэн татах тухай албан бичигт хариу өглөө

УИХ-ын Тамгын газрын Ерөнхий нарийн бичгийн дарга Ц.Цолмон хариу илгээв.

  2017-07-20 17:47