мин

42 минут зүрх нь цохилоогүй эрийг амь оруулжээ

Зүрхний шигдээс болж амьсгал хураасан Жон Огбүрн анагаахын түүхэнд "рекорд" тогтоов.

Ub.life 2017.07.18 46 35 10

11

АНУ-ын Хойд Каролина мужид амьдардаг нэгэн эрд гайхамшиг тохиож үхлээс эргэн иржээ. 36 настай Жон Огбүрн зүрхний шигдээс болж амьсгал хураасан байна. Гэсэн ч дуудлагаар ирсэн яаралтай тусламжийн багийнхан уйгагүй зүтгэж 42 минутын турш огт цохилоогүй зүрхийг амилуулж чадсан байна. Түргэн тусламжийн тэрэг ирэх үед түүний зүрх аль хэдийн зогсоод, биеийн дулаан нь буурчихсан  байсан аж.

Жон BBC -д өгсөн ярилцлагадаа “Миний бие яг одоо маш сайн байгаа. Амьдрал надад хоёр дахь боломжийг өгсөнд одоо болтол итгэж өгөхгүй л байна” хэмээжээ. Хэдийгээр Жон биеийн байдлаа хэвийн  гэж хэлсэн ч  эмч нь түүнийг хэвтрийн дэглэм сахиж, зургаан сарын турш машин жолоодохгүй байхыг зөвлөжээ. Урьд нь зогссон зүрхийг буцаан цохилуулж байсан тохиолдол байдаг ч бараг цагийн  дараа дахин амилсан удаа байхгүй юм. 

Ub.life 2017.07.18

11