МАХН С.Ганбаатарыг дэд даргаар сонгов
Энэ сарын 9-нд МАХН-ын Бага чуулган хуралджээ.
Монгол Улсын Ерөнхийлөгчийн 2017 оны ээлжит сонгуульд нэр дэвшсэн С.Ганбаатарыг МАХН-ын дэд даргаар сонгожээ.
Энэ сарын 9-ний өдөр МАХН-ын Бага чуулган хуралдаж, Ерөнхийлөгчийн сонгуулийн үр дүн болон хэд хэдэн асуудлыг хэлэлцсэн байна. Улмаар тус намаас Ерөнхийлөгчийн сонгуульд нэр дэвшин, сонгогчдын 30 гаруй хувийн санал авч, хоёр шатны санал хураалт явуулах нөхцөл бүрдүүлсэн С.Ганбаатарыг намын гишүүдийн олонхийн дэмжлэгтэйгээр намынхаа дэд даргаар сонгожээ. С.Ганбаатар МАХН-ын бодлого, шийдвэрийг тууштай дэмжихээ илэрхийлсэн тул намын гишүүд түүнд итгэл үзүүлсэн байна.
Ингэснээр МАХН хоёр дэд даргатай болж байгаа бөгөөд Шадар сайд асан Ц.Оюунбаатар мөн дэд даргаар ажиллаж буй.