1 мин

БСШУС-ын сайд болон Төрийн нарийн бичгийн даргыг хоёр сарын хугацаанд дараалан огцрууллаа

Б.Баярсайханыг БСШУСЯ-ны Төрийн нарийн бичгийн даргын албан тушаалаас чөлөөлөв.

Э.Намуун 2017.07.18 46 37 35

Засгийн газрын ээлжит хуралдаан өнөөдөр болж дараах шийдвэрүүдийг гаргалаа.

Б.Баярсайханыг Төрийн нарийн бичгийн даргын албан тушаалаас чөлөөлөв

Салбараа болон төрийн албан хаагчдыг мэргэжлийн удирдлагаар хангаж ажиллаж чадаагүй үндэслэлээр Б.Баярсайханыг БСШУСЯ-ны Төрийн нарийн бичгийн даргын албан тушаалаас чөлөөлөв.

Түүнчлэн БСШУС-ын сайд асан Ж.Батсуурийг ажлын хариуцлага алдсаны улмаас түүнийг огцруулах Ерөнхий сайдын саналыг УИХ дахь МАН-ын бүлэг тавдугаар сарын 30-нд дэмжсэн юм.

ҮТЕГ-ын даргын түр орлон гүйцэтгэгчийг томиллоо

Засгийн газрын ээлжит хуралдаанаас Үндэсний татварын ерөнхий газрын даргын үүргийг түр орлон гүйцэтгэгчээр Д.Занданбатыг томиллоо. Д.Занданбат өмнө нь Үндэсний татварын ерөнхий газар, Сүхбаатар, Хан-Уул дүүргийн Татварын хэлтэс зэрэг газарт удирдах албан тушаал хашиж байсан, салбартаа олон жил ажиллаж байгаа юм.

Өвс, тэжээл экспортлохыг хориглолоо

Нийт нутгаар гандуу, зуншлага муу байгаа учир өвс, тэжээл экспортлохыг өнөөдрөөс эхлэн хориглолоо. Одоо бэлтгэсэн болон цаашид бэлтгэх өвс, тэжээлийн нөөцийг нэн шаардлагатай газруудад оновчтой хуваарилж, яаралтай хүргэх арга хэмжээ авахыг Хүнс, хөдөө аж ахуй, хөнгөн үйлдвэрийн сайд П.Сэргэлэнд үүрэг болголоо гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Э.Намуун 2017.07.18