Үнэнч анд “Microsoft Paint” програмдаа БАЯРТАЙ гэж хэлээрэй
Хүүхэд насны дурсамжтай салшгүй холбоотой, зарим хүний амьдралд одоо хүртэл байдаг тус програм тун удахгүй БАЙХГҮЙ болох гэж байна.
Photoshop, Coral, Illustrator гэж мэддэг ч үгүй байхдаа бид бүгд Paint-ээр “уран бүтээл” туурвиж явсан. Тэгвэл “Microsoft” компани бидний хүүхэд настай сашлгүй холбоотой энэ програмыг өөрчлөн сайжруулж, өөр програмаар орлуулахаар зэхэж байна. “Autumn” буюу намар нэртэйгээр шинэчлэгдэн гарах эл програм олон төрлийн нэмэлт боломжуудтай байх аж.
Хамгийн анх 1985 онд хэрэглээнд нэвтэрсэн Windows 1.0 үйлдлийн системд байсан энэ програм 32 жилийн турш бидний шаардлага, хэрэгцээг хангасаар ирсэн билээ. Энэхүү програм Windows үйлдлийн системээс тун удахгүй арчигдан алга болох мэдээг сонссон хэрэглэгчид “Гэрт минь байдаг хамгийн дуртай хуучин тавилгуудын маань нэгийг авч явах гэж байгаа юм шиг гунигтай санагдаж байна” хэмээн ярьж байна.