Үерийн улмаас гурван хүн амиа алджээ
Дөрвөн хүүхэд хүнд, хөнгөн гэмтсэн байна.
Өчигдөр түр зуурын хүчтэй аадар бороо, мөндөр орсны улмаас Сонгинохайрхан дүүргийн 21 дүгээр хороо, Жаргалант тосгонд үерийн аюултай нөхцөл байдал үүссэн байна. Үерийн улмаас нэг том хүн, хоёр бага насны хүүхэд амиа алдаж, 4 хүүхэд хүнд, хөнгөн гэмтсэнийг эмнэлэгт хүргэжээ.
Нийслэлийн Онцгой байдлын газрын аврах анги 105, Сонгинохайрхан дүүргийн Онцгой байдлын хэлтсийн албан хаагчид алга болсон 5 настай хүүхдийг эрэн хайж, 00:20 цагт цогцсыг олж, холбогдох байгууллагад хүлээлгэж өгсөн байна.
Эх сурвалж: Нийслэлийн Онцгой байдлын газар