Компаниудын үйл ажиллагаа эрчимжиж байна
Энэ оны эхний хагас жилийн байдлаар аж ахуйн нэгжүүдийн үйл ажиллагаа эрчимжиж, 438.8 тэрбум төгрөгийн татвар улсын төсөвт төлсөн нь төлөвлөж байсантай харьцуулахад 42.3 тэрбум төгрөгөөр давсан байна.
Энэ оны эхний хагас жилийн байдлаар аж ахуйн нэгжүүдийн үйл ажиллагаа эрчимжиж, 438.8 тэрбум төгрөгийн татвар улсын төсөвт төлжээ. Энэ нь төлөвлөснөөс 42.3 тэрбум төгрөгөөр давж биелэсэн байгааг харуулж байна. Улсын төсөвт төвлөрүүлэх НӨАТ-ын орлого ч мөн төлөвлөж байсантай харьцуулахад өссөн байгаа юм. Харин өмнөх оны мөн үетэй харьцуулбал 81.8 тэрбум төгрөгөөс өссөн тухай Татварын ерөнхий газраас мэдээлж байна.
Нийлбэр дүнгээр энэ оны эхний хагас жилийн улсын төсвийн татварын орлогын гүйцэтгэл өнгөрсөн оны мөн үеэтэй харьцуулахад 658.6 тэрбум төгрөгөөр өссөн байна.