5 хэлээр ярьдаг Г.Анужин олон хэл сурах хүсэлтэй залууст туршлагаасаа хуваалцаж байна


  |     2017-08-03 18:40   |     29165
  2017-08-03 18:40   |     29165

Хэлний мэдлэг бидний алхам тутамд шаардлагатай болж байна. АНУ-ын Western Washington Их сургуулд суралцаж буй Г.Анужинг бид энэ удаа "UB.LIFE-ийн зөвлөгөө" буланд урьлаа. Тэр англи, хятад, солонгос, орос, испани гэсэн 5 гадаад хэл мэддэг. Г.Анужин олон хэлийг хэрхэн нэгэн зэрэг суралцах хүсэлтэй залууст зориулж хувийн туршлагаасаа хуваалцаж байна. Тэрээр тус сургуульд Олон Улсын Бизнесийн харилцаа, Хятад хэл соёл судлал гэсэн хос мэргэжлээр тэтгэлэгтэйгээр суралцаж байгаа юм. 

Олон хэл сурахын давуу тал нь юу вэ? 

Нэг хэлтэй хүнд нэг шинэ хаалга нээгддэг шиг хэдий их хэл мэднэ, тэр хэмжээний олон үүд хаалга нээгдэнэ гэж би боддог. Миний бодлоор, нэг хэлээ маш сайн эзэмшсэний дараа түүн дээр дөрөөлөн дараагийн шинэ хэлээ сурч эхлэх нь зүгээр санагддаг. Жишээ нь, би эхлээд англи хэлийг хоёрдогч хэлээ болгохыг зорьсон. Дараа нь англи хэл дээр суурилан хятад хэлийг, сонирхлоороо солонгос хэлийг, орос сургуульд явдаг дүүтэйгээ ярихын тулд орос хэлийг, испани найзуудаараа заалгаж испани хэлийг сурсан. Олон хэл сурч байгаа үедээ нэг хэлээ барьж аваад, хүрэх ёстой төвшиндөө хүрсний дараа өөр хэл сурч эхлэх нь зүйтэй. 

Сул тал бий юу?

Гадаад хэл сурахад эх хэлээ мартах тохиолдол их байдаг. Тиймээс эх хэлээ аль болох байнга сэргээн санаж байх хэрэгтэй. Үүний тулд уран зохиолын ном сайн унших хэрэгтэй юм билээ. 

Олон хэлээ мартахгүйн тулд юу хийдэг вэ?

Аль болох тогтмол ашиглахыг хичээдэг. Олон хэл зэрэг сурж байгаа хүн нэг шинэ үг цээжлэхдээ ард нь нөгөө хэлний утгуудыг бичиж цээжилж байгаатай их таардаг. Гэтэл нэг үгийг олон хэлээр шууд “word to word” буюу үгчилсэн орчуулга хийх нь салаа утгуудыг мартуулчихдаг. Тиймээс би хятад үг цээжлэх бол түүнийхээ “description” буюу тайлбарыг заавал хятадаар нь, ойролцоо, эсрэг үгийг нь ч хятадаар цээжлэхийг хичээдэг. 

Ямар аппликейшн ашигладаг вэ?

Монгол хэлний хэсэг нь сайн хөгжөөгүй хэдий ч google translate олон улсын хэлүүд рүү алдаагүй орчуулдаг болохоор тогтмол ашигладаг. Хятад болон англи хэл зэрэг сурч байгаа хүмүүст Pleco аппликейшнийг санал болгож байна. Hello HSK 1-6 мөн дажгүй. Dualingo бас сонирхолтой. Тухайн хэлээрээ байгаа бүх л аппликейшнийг татаад өөрт таалагдсанаа ашигладаг. 

Шинэ үг цээжлэхдээ ямар арга ашигладаг вэ?

Хэл сурахад зориулсан зөвлөгөөнүүд болон багш нарын байнга хэлдэг “List” буюу жагсаалт гаргах, “Flash card” ашиглах зэрэг аргууд байдаг л даа. Гэхдээ надад аль нь ч тохирдоггүй юм. Зүгээр л сурч буй үгнүүдтэйгээ өдөр тутам таардаг. Таарах бүртээ “Аан нөгөө үг байна, ийм утгатай” гээд улам бүр мартдаггүй. Тиймээс өдөр тутам хийдэг зүйлсдээ сурч байгаа хэлүүдээ аль болох их ашиглах хэрэгтэй. Би кино үзэхдээ хэзээ ч “subtitle” буюу хадмалтай үздэггүй. Хүнтэй ярихад тэр хүний үг тэгэж гарч ирэхгүй шүү дээ. Бас хадмалгүй кино ч илүү их байдаг /инээв/

Сурах явцдаа шантрахгүйн тулд яах ёстой вэ? 

Би шантрахгүйн тулд дуртай зүйлээ л хийдэг дээ. Би солонгос цуврал үзэх дуртай болохоор кино үзсээр байгаад л солонгос хэлний шалгалтаа өгч байсан. Харин англиар ном унших их амар санагддаг. Хятадаар бол унших, бичихээс илүү хүмүүстэй ярих дуртай. Тиймээс өөрийн онцлог, юунд дуртайгаа олохын тулд олон зүйл турших хэрэгтэй. Энэ вебээс өөрийн онцлогоо олж болно. 

Хэл сурахад бие дааж сайн сурч чадах уу? 

Тэр хэлээрээ их дээд сургуульд сурах, илүү академик мэдлэгтэй больё гэвэл эхлээд сайн багш нараар сууриа сайн тавиулах хэрэгтэй. Нэгэнт суурь мэдлэгтэй болсон бол өөрөө цааш хөгжүүлэх хэрэгтэй. АНУ-д бол их сургууль нь бүтэн жилийн хичээлийн сэдэв, семинар, лекцээ хичээлийн эхэнд өгдөг. Оюутан хичээлдээ ирэхдээ тэр өдрийн хичээлээ бүрэн судалсан очдог. Тиймээс ч илүү үр дүнтэй байдаг. Тэгвэл монгол оюутнууд маань яагаад сургуулиа хүлээлгүй өөртөө зориулан төлөвлөж болохгүй гэж. 

Сүүлийн асуултыг танд нээлттэй үлдээе. 

Зарим залуус маань гадаадад л оччихвол хэлийг нь сайн сурчихна, тэнд л илүү боловсрол байгаа гэж боддог. Гэтэл АНУ болон олон улсын томоохон их сургуулийн хичээлийн материал интернэтэд үнэтэй, үнэгүй байж л байдаг. Тиймээс хичээл зүтгэл л таныг тодорхойлно гэж хэлмээр байна. Би ч бас суралцсаар л байна. 


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

11 сэтгэгдэлтэй

  • aagii   [103.9.90.231]
      2017-10-11 03:19
    olon ulsiin tomoohon surguuliudiin hicheeliin material neted bdag gsen bna haanaas ter materialiig ni olohuuu helj tus bolooch bayrllaa

  • hvrelchuluun hvrlee   [202.70.46.239]
      2017-08-27 15:07
    Bayrllaa mash heregtei zowolgoo bna tsaachid alham tutamda suraltsaal baiy

  • hvrelchuluun hvrlee   [202.70.46.239]
      2017-08-27 15:07
    Bayrllaa mash heregtei zowolgoo bna tsaachid alham tutamda suraltsaal baiy

  • Зочин   [27.123.214.104]
      2017-08-21 12:16
    Хэл сурна гэдэг бол эхлээд тухайн хүнд хэл сурах тодорхой авьяас, дур сонирхол байх хэрэгтэй, мөн дээрээс эн хичээл зүтгэл шүү

  • Ochimeg   [66.181.182.210]
      2017-08-20 02:45
    wow sain bna chadaj bna heleh vg alga. udahgvi bi angli heliig togos ezemshih bolno bas oros held durtai mon german hel tiim bolhoor zaluusaa tsagiig demii ongoruulehgvi suraltsaad l baih heregtei. Bidend irsen bolomj amjiltiig oorool bvteeh bolhoor hicheegeerei

  • Зочин   [66.181.160.6]
      2017-08-14 23:41
    mundag ymaa woow

  • jurmedsuren   [27.123.212.129]
      2017-08-12 23:27
    bi ch chadnaa harj l baigaarai

  • jurmedsuren   [27.123.212.129]
      2017-08-12 23:27
    bi ch chadnaa harj l baigaarai

  • jurmedsuren   [27.123.212.129]
      2017-08-12 23:27
    bi ch chadnaa harj l baigaarai

  • Дашка   [27.123.214.125]
      2017-08-04 02:29
    Ёстой мундаг охин юмаа :)

  • Маш их баярлалаа. Үнэхээр хэрэгтэй зөвөлгөө бнашдэ   [66.181.160.68]
      2017-08-03 22:46
    Ваав

Хүмүүс нэг нэгнээсээ илүү нохойнд хайртай болохыг эрдэмтэд тогтоожээ

Энэ нэгэн шинэ судалгаагаар хүмүүс нэг нэгнээ гэхээс илүүтэйгээр нохойнд илүү хайртай болохыг тогтоожээ.

  2017-12-13 05:16

Хайртай залуу тань царайлаг биш байх тусам та илүү жаргалтай амьдрахыг эрдэмтэд тогтоожээ

Таны залуу царайлаг биш байх тусам таны хайр дурлал, хамтын амьдрал илүү жаргалтай байх боломжтой аж.

  2017-12-13 04:09

“Кинцүги” буюу хагархай аягыг алтаар нөхөх Япон ухаан

“Кинцүги” (金継ぎ) буюу “Дутагдлыг алтаар нөхөх” зарчимыг та мэдэх үү?

  2017-12-13 03:23