мин
"ОДДЫН ДАЙН"-ын виртуал ертөнц 2019 онд нээгдэнэ
2019 онд ашиглалтад орох тус ертөнцөд 2 нар мандаж, бодит мэт дүрслэл бүхий "Оддын дайн"-ы виртуал орчин цогцлох юм.
49 
31 
2 
Уолт Дисней компаниас “Star Wars” цувралаас сэдэвлэсэн виртуал гараг ертөнцийг бий болгохоор ажиллаж байгаа тухай Mashable мэдээлжээ. 2019 онд ашиглалтад орох тус ертөнцөд 2 нар мандаж, бодит мэт дүрслэл бүхий "Оддын дайн"-ы виртуал орчин бий болох юм. Үүнээс өмнө Диснейланд төвд ч мөн "Secrets of the Empire" гэсэн "Оддын дайн" цувралаас сэдэвлэсэн хэсгийг бүтээхээр болжээ. Тус киноны хувьд "дэлхий" болох Мустафар гаригт Рожие-1, К-2СО зэрэг үзэгчдийн танил дотно дүрүүд амилах юм.
“Энэ кинонд хайртай, нэгэн хэсэг нь болохыг хүсч мөрөөдөж ирсэн хүн бүр мөрөөдлөө биелүүлэн “Эзэнт гүрний нууц” ангиас сэдэвлэсэн гараг ертөнцөд бүх мэдрэмжээрээ уусан, найз нөхөд, гэр бүл оддын дайны баатруудтай аялах боломжтой” гэж Дисней компаниас мэдэгджээ. Тэд “бүх мэдрэмжээрээ” гэсэн нь бидэнд “Оддын дайн”-ы ертөнц ямар үнэртэйг ч мэдрүүлэх виртуал ертөнцийг бүтээхээр төлөвлөснийг гэрчлэх биз.
"The Void" компаниас тус төвийг хамтран бүтээж байгаа аж. Тус компани нь Нью-Йорк хотын төв талбайд байрлах Мадам Тюссодын музейд "Сүнстэй тулаанч"-ийн виртуал ертөнцийг өө сэвгүй, гайхалтайгаар бүтээснээрээ олон улсад алдартай. Мөн тэд "Skywalker дуу" хөгжмийн студи, "Lusacfilm" кино компанитай хамтарч байгаа бөгөөд тус цогцолбор нь виртуал төхөөрөмж, дүрслэлийн тусламжтайгаар үзэгчийг "Оддын дайн"-аар аялуулах юм. "Хүссэн хэн ч бидний нэгэн хэсэг болж "Оддын дайн"-д зочилж, аялал хийн, бүр аян дайнд ч оролцоно. Хүн бүхэн "Оддын дайн"-ы давтагдашгүй ертөнцөд хөл тавиасай гэж хүсч байна." гэмээн компаний зүгээс мэдээлжээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа