мин

Риана 60 гаруй улсын охидын боловсролд хөрөнгө оруулна

Риана хөгжиж буй 60 улсын охидын боловсролд хөрөнгө оруулахаар ажиллаж байгаа бөгөөд энэхүү ажлыхаа эхлэл болгон Малави улсын охидын боловсролд хандив болгон сургалтын тэтгэлэг олгож, унадаг дугуй бэлэглэжээ.

2017.08.06 45 42 22

Риана хөгжиж буй  60 улсын охидын боловсролд хөрөнгө оруулахаар ажиллаж байгаа бөгөөд энэхүү ажлынхаа эхлэл болгон Малави улсын охидод сургалтын тэтгэлэг олгож, унадаг дугуй бэлэглэжээ. 

Тэрээр “Клара Лионел” ТББ, БНХАУ-ын дугуй үйлдвэрлэлийн “Офо” компанитай хамтран тус хандивийг үүсгэн байгуулжээ.  “1 км зам” гэх тус хандивын ажиллагааны үеэр Малави Улсын 100 гаруй охидын дунд боловсролд зарцуулах мөнгөн тэтгэлэгийг олгосон байна. Тус улсын зам тээврийн хөгжил маш тааруугаас сурагчид сургуульдаа явахдаа маш урт, харанхуй замаар ганцаараа алхахад хүрдэг аж. Мөн Малави Улсын 4.6 сая сурах насны хүүхдүүдийн ердөө 8% нь дунд сургуулиа бүрэн төгсдөг тул тус үйлсийг нүдээ олсон ажил хэмээн олон нийт үнэлжээ. 

Рианагийн энэхүү хүмүүнлэгийн үйлсийг үнэлэн Харвардын Их сургуулиас "Хүмүүнлэгийн үйлстэн" шагнал олгосон байна. “Тэтгэлэгийг бүрдүүлэхэд гүн туслалцаа үзүүлсэн сангийн хамт олон баярлалаа. Бид хамтдаа дэлхийн нэгэн өнцөг дэх сурагчдад боловсрол эзэмшихэд нь бага ч гэсэн тусалж чадлаа. Дэлхийн олон олон манлайлагч залуус надтай нэгдэнэ гэдэг итгэлтэй байна.” гэж тэрээр шагнал гардан авахдаа хэлжээ. 

Эх сурвалж: Time.com

2017.08.06