мин

Тавантолгойн зэвсэгт хүчний сургалтын төвд тэсэрсэн сум нэг хүний аминд хүрчээ

Шүүхийн шинжилгээний хүрээлэнгээс тэсэрсэн сумын гарал, үүсэл болон тэсэрсэн шалтгааныг тодруулахаар ажиллаж байна.

Ub.life 2017.08.07 12 8

4

Тавантолгой дахь Зэвсэгт хүчний сургалтын нэгдсэн төвийн ойролцоо тэсэрсэн сумны улмаас нэг иргэн газар дээрээ амиа алдаж, нэг иргэн бэртэж, эмнэлэгт хүргэгдсэн байна. Энэ төвд нийт 26 орны 1100 гаруй цэргийн албан хаагч оролцож буй “Хааны эрэлд 2017” энхийг дэмжих сургуулилт болж байгаа юм. Гэхдээ энэ ажиллагааны үеэр байлдааны галт хэрэгсэл, зэвсгийн чанартай зүйлс ашигладаггүй болохыг Батлан хамгаалах яамны сайд Б.Бат-Эрдэнэ онцолсон байна. Цагдаагийн байгууллага энэ хэрэг дээр ажиллаж байгаагаас гадна Шүүхийн шинжилгээний хүрээлэнгээс тэсэрсэн сумын гарал, үүсэл болон тэсэрсэн шалтгааныг тодруулахаар ажиллаж байна.

Ub.life 2017.08.07

4