Фонтанаа аваръя уриан дор "Ирээдүйгээ эерэгээр өөрчлөе" үйл ажиллагаа болно
Залуусын хэлж заншснаар фонтаныг худалдааны төв болгохоор төлөвлөж буйг эсэргүүцсэн хэн бүхэнд нээлттэй гэжээ.
Улсын их дэлгүүрийн урд талбай, Хичээнгүй сайд Б.Цэрэндоржийн гудамж буюу залуучуудын нэрлэж заншснаар фонтан орчмыг Нийслэлийн засаг даргын Тамгын газрын шийдвэрийн дагуу “Автомашингүй гудамж” болгох төсөл хэрэгжихээр болсон. Харин үүнийг иргэд, оршин суугчид ихээхэн эсэргүүцсэн билээ. Харин энэ бямба гарагт буюу наймдугаар сарын 12-нд уг ажлыг эсэргүүцсэн залуус "Ирээдүйгээ эергээр өөрчлөе" үйл ажиллагааг зохион байгуулах гэж байна.
Уг үйл ажиллагааг дэмжин Magnolian, Bazo, Kris Schroeder зэрэг залуу уран бүтээлчид уран бүтээлээ хүргэх ба уг үйл ажиллагааг дэмжиж буй хүн бүхэнд нээлттэй аж.
"Ногоон байгууламж, нийтийн талбайг дэмжих зорилготой тул боломжоороо цэцэг ногоотой болон ногоон өнгийн хувцас өмсөж нэгдэцгээе" хэмээн залуучуудыгаа уриалж байна. Та бүхэн уг үйл ажиллагаанд өргөнөөр оролцож, дуу хоолойгоо нэгтгээрэй. Уг үйл ажиллагааны тухай дэлгэрэнгүй мэдээллийг ЭНДЭЭС аваарай.