“Олон улсын армийн тоглолт”-нд оролцож байсан Монгол танкчид угаартжээ
Манай дайчид тус тоглолтын “Хээрийн гал тогоо”, “Мэргэн бууч”, “Танкын биатлон” уралдаанд оролцож байгаа.
Хойд хөрш ОХУ-ын Москва хотын "Патриот" цэнгэлдэх хүрээлэнд долоодугаар сарын 29-нд Олон улсын армийн тоглолт нээлтээ хийсэн билээ. Манай дайчид тус тоглолтын “Хээрийн гал тогоо”, “Мэргэн бууч”, “Танкын биатлон” уралдаанд оролцож байгаа. Манай танкчид эхний шатаа амжилттай даван хагас шигшээд үлдээд байсан ч энэ сарын 9-нд болсон уралдааны үеэр угаартаж, эмнэлэгт хүргэгдсэн байна. “Алабино” полигонд болж байгаа тус тэмцээнд оролцож байсан манай танкны бүхээгт хий алдагдаж, гурван танкчин угаартан, Одинцовогийн цэргийн госпитальд хүргэгджээ. “Монголын баг эмнэлгээс хэзээ гарах нь тодорхойгүй байна. Тэдэнд орчуулагч гарган өгсөн” гэж ОХУ-ын “Подмосковье сегодня” сонин мэдээлсэн байна.