Пакистаны “Тереза эх” 87 насандаа нас барлаа
Тэрээр 1960 оноос хойш Дэлхийн Эрүүл Мэндийн Байгууллагын хүмүүнлэгийн элчээр Пакистан улсад ажиллаж байсан юм.
Пакистаны “Тереза эх” хэмээн алдаршсан Германы эмч Пут Пфау өнөөдөр буюу 8-р сарын 11-ны өдөр 87 насандаа нас барлаа.
Тэрээр 1960 оноос хойш Дэлхийн Эрүүл Мэндийн Байгууллагын хүмүүнлэгийн элчээр Пакистан улсад ажиллаж, тус улсын хүүхдийн боловсрол, эрүүл мэндэд чиглэсэн олон буяны байгууллагаас тусламж аван, хүмүүнлэгийн үйлс явуулж байсан юм. Пакистаны Ерөнхий Сайд Шахид Хаган Аббаси “Тэр Германд төрсөн ч зүрх сэтгэл нь Пакистанд байлаа” хэмээн мэдэгджээ. Дэлхийн II дайнд гэр бүл, гэр орноо нүдэн дээрээ алдсан тэрээр Энэтхэгт сувилахуйн ухаан судалж, үлдсэн амьдралаа хүмүүнлэгийн үйлст зориулахаар шийдсэн аж. Пут Пфау амьд ахуй цагтаа “Чамд зовлон тохиогоогүй гээд, хэзээ ч тохиохгүй гэсэн үг биш” гэж хэлж байжээ.
Эх сурвалж: Time.com