Хятад улс “Wechat”, “Baidu”-г хянан шалгаж байна
БНХАУ-ын Wechat, Baidu зэрэг тус улсын хамгийн том нийгмийн сүлжээдийг хянан шалгах ажил явагдаж байна.
БНХАУ-ын Wechat, Baidu зэрэг хамгийн их хэрэглэгчтэй олон нийтийн сүлжээдийг хянан шалгах ажил явагдаж байна. Тус улсын Цахим Орчны Аюулгүй байдлын газраас эдгээр олон нийтийн сүлжээ нь “Цахим орчны аюулгүй байдлын тухай хууль”-ийг зөрчиж байна хэмээн буруутгаад байгаа юм.
"Олон нийтийн сүлжээгээр терроризм, хүчирхийллийн агуулгатай мэдээлэл ихээр түгж байгаа нь иргэдийн аюулгүй байдалд онц ноцтойгоор нөлөөлж байна" гэж тус улсын Цахим Орчны Аюулгүй байдлын газрын мэргэжилтэн мэдээлжээ.
Хэвлэл мэдээллийн өндөр цензуртай орны тоонд багтдаг, фэйсбүүк, инстаграм, гүүгл зэрэг олон улсын сайт, сүлжээдийг хэдийн хориглосон энэ улс өнгөрсөн сард “худал мэдээ, цуурхал тараасан” гэх шалтгаанаар 60 гаруй мэдээллийн сайтын үйл ажиллагааг зогсоосон юм. Хятад Улсын Засгийн Газрын зүгээс сүүлийн жилүүдэд олон нийтийн сүлжээний хэрэглээ эрс нэмэгдэж байгаатай холбогдуулан “Цахим орчны аюулгүй байдлын тухай хууль”-иа чангатгахаар болсоний эхлэл энэ болж байна.
Эх сурвалж: BBC