2 мин
Цахилгаан шатаар "хүн шиг" зорчиход тань туслах 14 АЛХАМ
Багахан хэмжээний нийтийн тээвэр ч гэж хэлж болохуйц цахилгаан шатанд бид хэрхэн зөв боловсон үйлчлүүлэх талаар “Ub Comedy Club”-ийн хөгжилтэй залуусын бичсэн пост, сэтгэгдэлээс сэдэвлэн энэхүү нийтлэлийг бэлтгэлээ.
2017.08.11
1
Бидний амьдралд өдөр бүр цахилгаан шатаар үйлчлүүлэх хэрэгцээ шаардлага тулгардаг. Дэлхийн дундаж иргэн амьдралынхаа 6 жилийг цахилгаан шат хүлээж, зорчиж өнгөрүүлдэг гэсэн судалгаа ч бий. Тиймээс багахан хэмжээний нийтийн тээвэр ч гэж хэлж болохуйц цахилгаан шатанд бид хэрхэн зөв боловсон үйлчлүүлэх талаар “Ub Comedy Club”-ийн хөгжилтэй залуусын бичсэн пост, сэтгэгдэлээс сэдэвлэн энэхүү нийтлэлийг бэлтгэлээ.
1. Цахилгаан шатны товчийг олон дахин угсруулан дарахгүй байх. Энэ чинь уураа гаргах хэрэгсэл биш шүү дээ.
2. Гарч байгаа хүмүүсийн өөдөөс дайрч оролгүй, гарсных нь дараа суух.
3. Найз нөхөд, танилаараа орж ирээд бусдыг үл хүндлэн, чангаар ярилгүй хэсэг зуур тэвчиж сурах.
4. Яг суух гэж байхад хүлээлгүй ганцаараа явахгүй байх.
5. Хосууд хамт суусан хүнээ эвгүй байдалд оруулан “нялууралгүй" түр хүлээх.
6. Суусан хүмүүс явах гээд хүлээж байхад хамт яваа хүнээ хүлээж байна гээд бусдад төвөг удан, гацаахгүй байх.
7. Хамт суусан танихгүй хүнээ дээрээс доош гүйлгэн харж, эвгүй ширтэж айлгахгүй явах.
8. Хамгийн сүүлд орж ирээд, “Даац хэтэрлээ” гэхэд сонсоогүй мэт гүрийхгүй байх.
9. Хүмүүс яарч байхад таарсан бүх товчоо дарж түвэг удалгүй явах.
10. Бусдад түвэг удах элдэв сонин хөдөлгөөн хийхгүй тэвчих.
11. Цахилгаан шат хүлээх зуураа ханан дээр “Б+Э=Love” гэх мэт элдэв зүйл бичихгүй байх.
12. Хамт суусан хүнийхээ яг чихэн дээр амьсгалж дарамт үзүүлэхгүй зорчих.
13. Ямар нэг төрлийн эвгүй үнэр гаргахгүй байх.
14. Ахиж хэзээ ч цахилгаан шат ирэхгүй мэт, холоос “байлгаж байгаарай” гэж бусдыг хүлээлгэхгүй явах.
2017.08.11