1 мин

Гэрээ ХООСОН ШАХУУ тохижуулан амьдрах шинэ хандлага

Сонирхолтой загвар, шийдлүүд их болсон энэ цаг үед хоосон шахуу байранд амьдрах ямар байх бол?

О.Анхзаяа 2017.08.16

Рафаэл ван Генд бол Бельгийн загвар зохион бүтээгч бөгөөд өмнө нь балетын бүжигчин, зураач, загварын модель байжээ.

"Би үргэлж ямар нэгэн зүйл эрж хайж байдаг. Энэ л амьдралыг амттай болгодог зүйл" гэж хэлж байсан тэрээр мөн өөрийн студийг нээж, философи судлан, шинэ цомгийн продюсер хийж байв. Гурван жилийн өмнө тэрээр шинэ зүйл эхлэх нэгэн санаа олсон нь бүсгүйчүүдийн үнэт эдлэл хийх байв.

Харин жил хагасын өмнө тэрээр Брюссельд байшин худалдан авсан бөгөөд түүнийгээ санаанд оромгүй байдлаар тохижуулжээ. Бараг хоосон шахуу харагдах энэ байр 1920-иод оны загвар шийдэлтэй. "Миний хувьд хоосон байдал амар амгаланг мэдрүүлдэг" гэж хэлсэн тэрээр зарим тавилгынхаа загварыг хүртэл өөрөө гаргасан аж. Хэрэв танд ч бас тийм байдал тав тух, амар амгаланг мэдрүүлдэг бол үүнээс санаа аван гэрээ тохижуулж болох юм.