мин

ОХУ Казахстанд нуураа зүгээр бэлэглэчихлээ

Владимир Шубников “Энэ нуурыг Казахстанд өглөө гээд манай нутагт эдийн засгийн ямар ч хохирол учрахгүй. Сладкое бол загасгүй, намаг балчиг ихтэй, ашиггүй нуур байсан” гэж мэдэгдсэн байна.

М.Сугар-Эрдэнэ 2017.08.16 48 38 18

9

ОХУ, Казахстан улсуудын холбогдох албаныхан уулзан хэлэлцсэний дүнд ОХУ хоёр улсын хил дээрх Сладкое хэмээх нуураа Казахстанд шилжүүлжээ. Оросын Хилийн албаныхны мэдээлснээр нуурыг Казахстанд өгсөн нь орон нутгийн иргэдийн дунд дургүйцэл төрүүлээгүй гэнэ. Харин Казахстаны ГХЯ-наас энэ явдлыг “Орос ахын бэлэг” гэж нэрлэхгүй байхыг хүсээд  Сладкое нуурын ихэнх хэсэг урьд өмнөөс Казахстанд харьяалагддаг байсан гэж онцолсон байна.

Нуурыг албан ёсоор шилжүүлснээр хилийн зурвас ч өөрчлөгдөнө. ОХУ-ын хил орчмын Купинский дүүргийн захирагч Владимир Шубников тус бүс нутагт оршин суудаг иргэдээ хил зөрчихгүй байхыг сануулаад “Энэ нуурыг Казахстанд өглөө гээд манай нутагт эдийн засгийн ямар ч хохирол учрахгүй. Сладкое нуурны нэг хэсэг угаасаа Казахстаны нутаг дэвсгэр дээр байсан болохоор хилийн шугамыг жаахан дотогшлуулаад л асуудал дууссан. Сладкое бол загасгүй, намаг балчиг ихтэй, ашиггүй нуур байсан. Манай нутагт Горькое гээд сайхан нуур байгаа” гэж мэдэгдсэн байна.
“Миний нутгийн газар шорооноос бурхан гуйсан ч бүү өг” гэж үздэг монголчууд биднээс огт өөр бодолтой улсууд аж, оросууд.

М.Сугар-Эрдэнэ 2017.08.16

9