13 жилийн өмнө гээсэн алмазан бөгжөө ургацын луувангаас олжээ
84 настай Мэри Грамс 13 жилийн өмнө тариаландаа зэрлэг өвс түүж яваад алмазан бөгжөө гээсэн байна. Харин бөгж нь луувантай хамт "урган" гарч иржээ.
84 настай Мэри Грамс 13 жилийн өмнө тариаландаа зэрлэг өвс түүж яваад алмазан бөгжөө гээсэн байна. Тэр үедээ нөхөртөө хэлэхээс айж, хүүдээ энэ тухай хэлэхэд хүү нь ялгахын аргагүй бөгөөд арай хямд бөгж авч өгснөөр энэ явдлыг удалгүй бүгд мартсан аж.
Харин 13 жилийн дараа бэр охин нь тариаландаа ажиллаж байгаад “бөгжтэй” лууван олж, нөхөртөө энэ тухайгаа хэлэхэд тэр ээжийнхээ бөгжийг дор нь таньжээ. Мэри Грамс “Нөхөр минь нас барахаасаа өмнө үүнийг мэдсэн ч болоосой. Тэр их наргианч нэгэн байсан болохоор их инээдтэй байх байсан даа” гэжээ.
Алмазан бөгжөө алдаад эргүүлэн олсон анхны хүн тэр биш. 2011 онд нэгэн Швед эмэгтэй хуримын бөгжөө 16 жилийн дараа олсон түүхтэй.