Эрдэмтэд Өмнөд туйлын мөсөн доороос 91 галт уул илрүүлжээ
Энэ нь манай дэлхий дээрх хамгийн том галт уулын бүс байх магадлалтай ажээ.
Эдинбург их сургуулийн хэсэг эрдэмтэд Антарктидын баруун хэсгийн мөсөн доор байрлах 91 галт уул илрүүлсэн тухай Их Британы “The Guardian” сонин мэдээлжээ. Геологичдын үзэж буйгаар энэхүү бүс нь манай дэлхий дээрх хамгийн том галт уулын бүс байх магадлалтай ажээ.
“Хүмүүсийн мэдэж байсан Антарктидын галт уулын тооноос бараг гурав дахин их байгаад бид маш их цочирдсон. Ийм их хэмжээний, том галт уулуудыг илрүүлнэ гэж бид төсөөлөө ч үгүй” гэж мөстлөгийн мэргэжилтэн Роберт Бингам хэлжээ. Өдийг хүртэл эрдэмтэд ердөө 47 галт уул олсон байжээ.
Мөсөн давхрагнаас доош 2 километрт байрлах галт уулуудын өндөр 100-аас 3850 метр юм байна.
“Бид үүнээс ч илүү их галт уул Росса гэх мөсөн уулын доор байгаа гэж таамаглаж байна. Мөн бидний илрүүлсэн эдгээр галт уул Африкийн зүүн зүгт орших галт уулуудаас ч том. Дэлхий дээр байгаа хамгийн том галт уулууд байх магадлалтай” гэж Бингам нэмж хэллээ.
Харин одоо мэргэжилтнүүд галт уулууд идэвхижилт өндөртэй эсэхийг тогтоох л үлдсэн аж.