Дэлхий дахины ОХУ-д хандаж буй хандлага ямар байна вэ?
Дэлхий дахины ОХУ-д хандах хандлагыг олж илрүүлэхээр "Pew Research Center" судалгааны төв улс, орнуудаар нэгэн судалгаа явуулжээ.
Дэлхий дахины ОХУ-д хандах хандлагыг олж илрүүлэхээр "Pew Research Center" судалгааны төв улс, орнуудаар нэгэн судалгаа явуулжээ. ОХУ-ыг дэлхий дахинд залуус нь (18-29 насны) нас тогтсон (50-аас дээш насны) хүмүүсээс илүү эерэгээр хүлээн авч байна. “ОХУ-ыг ихэнх улс, орнуудад залуус илүү эерэгээр хүлээн авч байгаа ч ахмад настнууд шүүмжлэлтэй хандаж байлаа” хэмээн тайландаа тэмдэглэсэн байлаа.
Мэргэжилтнүүд “Судалгаанд оролцсон 12 орны 50-аас дээш насны иргэдэд залуу үеийнхнээс илүү муу хандлага илэрч байсан” гэсэн байна. Тухайлбал, Вьетнамын 54%, Автралын 57%, Бразилийн 57% нь Москвад эерэг гэсэн саналыг өгсөн бол Япон, Бразилийн 37%, Австралийн 22% нь сөрөг гэсэн хариуг бөглөсөн байжээ. Мөн сөрөг хариуг бөглөсөн иргэд бүгд ахмад настнууд байсан аж.
Хүйсийн хувьд авч үзвэл эрэгтэй хүний хандлага эмэгтэй хүнийхээс илүү эерэг байжээ. Долоон улсын судалгааны дунджаас авч үзвэл эрэгтэй хүн эмэгтэй хүнээс 7-17% илүүтэйгээр ОХУ-ыг дэмжиж байлаа. Санал асуулгад 37 орны 40951 хүн хамрагдсан байна.
Ерөнхийлөгч Владимир Путинд нийт судалгаанд оролцсон хүмүүсийн 26% нь итгэдэг гэсэн бол 31% нь Орос улс бол Хятад шиг эх оронд нь аюул авчирна гэж үзэж байжээ.