мин

8.17: ЯГ ОДОО Монголд анхаарал татаж буй 8 сэдэв

Цалин нэмэхгүй бол есдүгээр сарын 1-нээс эхлэн, цэцэрлэг, сургуулийн 32000 багш ажил хаяна гэдгээ зарлалаа.

М.Сугар-Эрдэнэ 2017.08.17 42 7

Мэдээллийг дэлгэрэнгүй уншихыг хүсвэл тод хараар тэмдэглэсэн линк дээр дарна уу.

Энэ өдөр таны заавал мэдэх ёстой зүйлс:

Цалин нэмэхгүй бол есдүгээр сарын 1-нээс эхлэн, цэцэрлэг, сургуулийн 32000 багш ажил хаяна гэдгээ зарлалаа.

Зам, тээврийн хөгжлийн сайд Д.Ганбат “МИАТ” ТӨХК-ийн Агаарын хөлгийн засвар үйлчилгээний газрын үйл ажиллагаатай танилцлаа. Энд ОХУ-ын АН-2 онгоцыг шинэчилж, ТВС-2МС агаарын хөлгийг угсарч байгаа юм.

Дэлхийн яруу найрагчдын 37 дугаар их хурлын нээлт өнөөдөр Төрийн ордонд боллоо. Тус их хуралд оролцогчдод хандан Монгол Улсын Ерөнхийлөгч Х.Баттулга илгээлт явуулсныг Ерөнхийлөгчийн Соёл, шашны бодлогын зөвлөх Ц.Хулан уншиж сонордуулав.

Шадар сайд У.Хүрэлсүх, “Херо энтертайнмент” студийн найруулагч Б.Баатар нарын наймдугаар сарын 15-ны орой утсаар ярьсан бичлэг ил болсон. Найруулагч Б.Баатар энэхүү бичлэгийг нийтэд дэлгээгүй болохоо мэдэгдэж, прокурорт хандахаар болжээ.

Нийслэлийн Засаг дарга бөгөөд Улаанбаатар хотын захирагч С.Батболд нийслэлд хэрэгжиж буй бүтээн байгуулалтын ажлын талаарх  мэдээллийг иргэд, олон нийтэд ил тод нээлттэй болгож, Шилэн тендерийн журам боловсруулна гэдгээ өнөөдөр мэдэгдлээ.

Энэ сарын 12-17-нд Улаанбаатарт болж байгаа "Олон Улсын Хүүхдийн Спортын VII Наадам"-д Монгол, ОХУ-ын Буриад,  БНХАУ-ын ӨМӨЗО-ны 1200 тамирчин хүүхдүүд өрсөлдөж байна. Наадмын сүүлчийн өдөр болсон чөлөөт бөхийн тэмцээний нийт 14 жингийн барилдааны 12-т нь монгол бөхчүүд тэргүүлжээ.

Сүүлийн үед хөдөө орон нутагт аялал, зугаалгаар явах иргэд  авто осолд өртөх  тохиолдол нэмэгдэж байгаа тул Эрүүл мэндийн яамнаас анхааруулга гаргалаа.

ОБЕГ-ын тэргүүн дэд бөгөөд штабын дарга, бригадын генерал Г.Ариунбуян өнөөдөр АНУ-ын Аляска мужийн Үндэсний гвардийн комиссар, хошууч генерал хатагтай  Лаури Хаммел тэргүүтэй зочид төлөөлөгчдийг хүлээн авч уулзлаа. Хошууч генерал Онцгой байдлын байгууллагын алба хаагчдыг  Аляска мужид  туршлага солилцох  сургалтад хамруулах,  англи хэлний мэдлэгийг нь дээшлүүлэх талаар хамтарч ажиллахаа илэрхийллээ.

М.Сугар-Эрдэнэ 2017.08.17