"Моторола" өөрөө дэлгэцээ нөхөн сэргээдэг ухаалаг утас гаргана
Хятадын "Lenovo Group"-д хамаарах Америкийн "Motorola Mobility" компани нь Self-repairing буюу өөрийгөө нөхөн сэргээж чадах дэлгэцтэй ухаалаг утасны патентийг авчээ.
Хятадын "Lenovo Group"-д хамаарах Америкийн "Motorola Mobility" компани нь Self-repairing буюу өөрийгөө нөхөн сэргээж чадах дэлгэцтэй ухаалаг утасны патентийг авчээ. АНУ-ийн "SlashGear" интернет портал мягмар гарагт “хуванцар буюу полимер шилэн дэлгэцээр хийгдсэн учир жижиг гэмтлийг утас өөрөө нөхөн сэргээх чадвартай гэсэн” мэдээлэл оруулсан байна.
Тус компаниас сэтгүүлчдийн дунд жинхэнэ ухаалаг утасны урьдчилсан загварыг танилцуулсан аж. Бүтээгдэж байгаа ухаалаг утас өөрөө дэлгэцийн хагарал, зураас зэргийг тогтоож чадах ба түүнийгээ эзэндээ мэдэгдэнэ. Үүний нэгэн адилаар эзэмшигч шаардлагатай эвдрэл, гэмтэл байгаа газрыг дугуйлах хэрэгтэй.
Нөхөн сэргээхэд эзэмшигчийн зөвшөөрөл хэрэг болдог аж. Дэлгэцийн эвдрэл гарсан хэсэг ухаалаг утасны санамжид автоматаар хадгалагдах болно. Эзэмшигч зөвшөөрч, эвдрэлээ санамждаа хадгалсны дараа гэмтсэн хэсэгт утас өөрөө халж гэмтлээ нөхөн сэргээж эхлэх ажээ.
Утасны шил бүхэлдээ гэмтсэн, дэлгэц хагарч дисплэйдээ нөлөөлсөн зэргээр хүнд гэмсэн тохиолдолд өөрийгөө нөхөн сэргээж чадахгүй юм байна.
Эх сурвалж: Tass.ru