мин

Г.Ариунбаатар Буриадын Дуурийн театрын шинэ улирлыг нээнэ

Манай дуучин есдүгээр сарын 13-нд тоглогдох “Кармен”-ий Эскамильогийн дүрийг бүтээнэ.

М.Сугар-Эрдэнэ 2017.08.19

Монгол Улсын Гавьяат жүжигчин, Буриадын Гавьяат жүжигчин Г.Ариунбаатар Буриадын Дуурь, балетийн театрын шинэ буюу 78 дахь улирлыг нээх болжээ. Манай дуучин есдүгээр сарын 13-нд тоглогдох “Кармен”-ий Эскамильогийн дүрийг бүтээнэ. Харин Карменд ОХУ-ын Гавьяат жүжигчин Оксана Хингеева, Дон Хозед Михаил Пирогов дуулж, улирлын нээлтийн тоглолтыг удирдахаар Санкт-Петербург хотоос удирдаач Виталий Шевелев уригджээ.
Г.Ариунбаатарыг урлаг судлаачид дэлхийн шилдэг баритон гэдгийг хүлээн зөвшөөрөөд байгаа. Хэдийгээр түүнийг Нью-Йоркийн “Метрополитен-опера” тэргүүтэй олон шилдэг театр урьсан ч Г.Ариунбаатар Буриадын театр, хамт олондоо үнэнч хэвээр үлдсэн юм.