1 мин

АНУ оюуны өмчийн хэргээр Хятадын компаниудыг шалгуулна

Хятад Улсын зүгээс “Байдал ингэж хурцадсан нөхцөлд бид АНУ-д худалдааны хориг тавихаас өөр аргагүй” гэж мэдээлжээ.

2017.08.21 38 34 18

4

АНУ Хятад улсыг оюуны өмчийн хулгайн хэрэгт мөрдөн шалгах ажил эхлүүллээ. “Хянан шалгалтын үеэр энэхүү хурцадмал байдал шийдэгдэх болно” гэж  АНУ-ын Худалдаа Аж Үйлдвэрийн танхимын мэргэжилтэн мэдээлжээ. 

Ерөнхийлөгч Доналд Трампын захирамжийн дагуу тус улсын Худалдаа Аж Үйлдвэрийн танхимаас БНХАУ-ыг зохиогчийн эрхийг зөрчсөн, оюуны өмчийн хулгай хийсэн хэмээн олон улсын шүүхэд нэхэмжлэл гаргаад байгаа юм. Үүний хариуд Хятад Улсын зүгээс “Байдал ингэж хурцадсан нөхцөлд бид АНУ-д худалдааны хориг тавихаас өөр аргагүй” гэж мэдээлжээ. 

АНУ жил тутам зохиогчийн эрхийг зөрчсөн, оюуны өмчийн хулгайн бараа бүтээгдэхүүнд  дундажаар 600 тэрбум ам.долларын зардал гаргадаг аж. “Хятад Улс АНУ-ын гаргаж буй гол үйлдвэрлэлүүд дэх шинэ технологийг хуулбарлаж байгааг таслан зогсооно” гэж АНУ-ын зүгээс өнгөрсөн баасан гаригт мэдээлжээ. 

“Дэлхийн Худалдааны Байгууллага хоёр улсын худалдааны зөрчлийн талаар санал дүгнэлтээ гаргавал хэрэг илүү хурдан шийдэгдэнэ” гэж АНУ-ын зүгээс үзэж байгаа юм. Хэрэг хятадын хэд хэдэн томоохон компаниудад тохогдож магадгүй ч, илүү улсын хэмжээнд хамарч болзошгүй. 

“АНУ худалдааны тухай хуулийг мөрдөхгүй, үл ойшоож, биднийг үл хүндэтгэсэн хэвээр байвал Хятад улс зүгээр суухгүй” гэж БНХАУ-н худалдааны яамны сайд мэдээлжээ. Хэрэг мөрдөн шалгах ажил 10-р сар хүртэл үргэлжилж, шийдэгдэх юм. 

Эх сурвалж: BBC

2017.08.21

4